OÑGENI MOFINDI OTYITATEKA TYOKUSOYA?
Okuti Tyitavela Okukala Tyihasoyo?
Onondongwa mbo Mbimbiliya mbupondola okukukuatesako okuhakala tyasoya. Tyayandyuluka nawa okuti onthue katupondola okumanako ovipuka aviho vitukalesa tyasoya. Mahi omutungi wetu utyivila. Ngwe waholovonale Sesusi Kilisitu opo etukuateseko. Puetyi Sesusi ankho eli pano pohi walingile ovipuka vihuvisa unene. Komutwe wandyila makalingila vali ovipuka ovinyingi ovanthu. Mongeleka:
SESUSI MAKAHAKULA VANA VAVELA.
“Ovanthu avemuetela aveho vavela . . . ngwe evehakula aveho.” — MATEUSI 4:24.
SESUSI MAKAVELA OVANTHU AVEHO OKULIA NONONDYUO.
“Vana [mavakatuminwa na Kilisitu] mavakatunga onondyuo avakalamo, mavakatuika omiti avakalia ovinyango viavio. Kavakatunga iya mukuavo ngae ukakalamo, kamavakatuika iya mukuavo ngae ukalia.” — ISAÍAS 65:21, 22.
SESUSI MAKATUMINA IYA A KAETA OMBEMBWA NEPAMO KOMBANDA YOHI.
“Kononthiki mbae, omuviuki makakala nehambu, nombembwa onyingi, alo kuahakala vali ohanyi. Makakala novanthu okuhimbikila kelunga alo kuna kuaoyela ohi . . . Onondyale mbae mavakalasa ombuma.” — SALMO 72:7-9.
SESUSI MAKAMANAKO OKAPUNGULULA.
“Makalingila okankhenda una uhena tyae nomuhepi, nokukayovola omienyo viovahepi. Makayovola aveho valingwa onya navana vekahi nokumoneswa nononkhumbi.” — SALMO 72:13, 14.
SESUSI MAKAMANAKO ONONKHUMBI NONOKHIA.
“Ononkhia kamambukakala-ko vali, nii okuliyava, nii okulila nii omaluihamo kavikakala-ko vali.” — EHOLOLOLO 21:4.