Okuyawisa Ounongo Wetu Wokuivisa—Okuivisa Kovalandesi
Omokonda Yatyi Tyesukisila: Omokonda yetyi ovanthu ovanyingi vakala omuvo omunyingi kovilinga iya opo tutyivile okuvepopila onondaka onongwa Mbouhamba, tuesukisa okuvevasa povilinga viavo. Okuava oumbangi kovanthu vokulandesa, tyipondola okutuetela ehambu iya nouwa. Mokonda kavavasiwa momaumbo vaya kovilinga, tyina wamevevasi, okala nonthilo novilinga viavo vahambukua. Mahi, opo tutyivile okuvelongesa, tuesukisa okukakala ovana-ndunge iya atuave ongeleka ongwa mokuvala nawa. (2 Cor. 6:3) Omukulu wovilinga mewaneno oe una okuhongolela ovilinga ovio, tupu atale ovikando viñgapi ovaivisi vesukisa okukaivisa kovalandesi iya ovepi vena okukaivisako.