OMUENYO WETU WOUKRISTAU
“Jeova, . . . Ame Nayumba Onthumbi Muove”
Tuesukisa okukala nekolelo mu Jeova tyilinge momuvo omuwa tyilinge momuvo wovitateka. (Sal. 25:1, 2) Menima 8 P.K.E. ova Judeu ankho vakala mo Juda vakalele notyitateka ankho tyalolele ekolelo liavo mu Huku. Eti tyaendelepo tyitulongesa ovipuka ovinyingi. (Rom. 15:4) Tyina muamatale ovidiu yati “Jeova, . . . Ame Nayumba Onthumbi Muove” oñgeni mokumbulula omapulo aa?
Ovitateka patyi Ezekia akalele navio?
Oñgeni Ezekia aendela monondonga mbukahi mu Provérbios 22:3 etyi aimbuka okuti mavaluiswa?
Omokonda yatyi Ezekia ahahandele okulivondela ko va Asilia ine okulinga oupanga no va Egitu opo vevekuateseko?
Omokonda yatyi Ezekia ongeleka ongwa pala ovakristau?
Ovipuka patyi hono vipondola okulola onthumbi yetu mu Jeova?