OLUMONO LUKAHI MONDAKA YA HUKU | MATEUS 18-19
Lunguka opo Uhelipunduke Nokupundukisa Vakuenyi
Jesus waundapesile onongeleka pala okulongesa okuhelipunduka, ine okulinga ovipuka vipundukisa vakuetu.
“Emanya liokulipunduka” lilekesa okulinga otyipuka tyimwe ine okulandula otyipuka tyipondola okulingisisa omunthu okulinga etyi tyapenga, ine okunyona oupanga wae na Huku, nokulinga onkhali.
Kohale omunthu upundukisa mukuavo, hahe vali akutilwe momunyino emanya ankho liliseteswa notyimbulu pala okukunkha, ayumbwa melunga.
Omamanya okukunkha
Jesus walondolele ovalongwa vae opo velipole kese tyipuka, aloo umwe tyina tyakolela, ngetyi enkhanya ine eiyo, inkha vivepundukisa.
Hahe vali wakalele tyihena onthele imwe yolutu onyingila Mouhamba wa Huku, tyipona okukala no nonthele ambuho iya oipawa mehanyauno.
Oityi momuenyo wange tyipondola okukala emanya liokulipunduka iya oñgeni ndyipondola okulityilika okulipunduka nokupundukisa vakuetu?