Siovaa Uhole Ovanthu Ovasukuki

“Ovohe ovanyingi valongesa ovana vavo okukala tyasukuka, vati ‘likoha pomavoko. Komba mondyuo yove. Komba pepata iya yumbahi olisu.” Mahi etyi ovohe valongesa ovana vavo okukala tyasukuka tyatuka ku Huku omusukuki. (Êx. 30:18-20; Deut. 23:14; 2 Kol. 7:1) Tyina olutu luetu novipuka vietu viasukuka, tunkhimaneka Siovaa. (1 Pet. 1:14-16) Iya eumbo lietu? Tuelikalela novanthu vayumba olisu monondyila no mo nondongi. Mokonda Tuvakilisitau tulinga atyiho opo eumbo lietu ohi ikale omphangu yasukuka. (Sal. 115:16; Ehol. 11:18) Alo umwe onkhalelo tupaka ovipuka ovitutu, ilekesa inkha tunonthate. Mongeleka opi upondola okuyumba onolata mbonogasosa, nomikanda, novimphemu viovilindo no vyo nombiya? Onthue tuhanda ‘okulilekesa mononkhalelo ambuho okuti tuvaumbili va Huku.’ — 2 Kol. 6:3, 4.

TALA OVIDIU YATI HUKU UHOLE OVANTHU OVASUKUKI, IYA KONYIMA AMUKUMBULULA OMAPULO AA:

• Omutyi ovanthu vapondola okutatesila opo vahasukule ovipuka viavo?

• Oñgeni Ovitumino Viapelwe Moisesi vilekesa onkhalelo Siovaa atala ousukuki?

• Oñgeni tupondola okuhilivika Siovaa tyihapopi?