Okuyawisa Ounongo Wetu Wokuivisa — Ivisa Kovamphoki

OMOKONDA YATYI TYAKOLELA: Ovamphoki ovanyingi kavakala nawa tyina vatomphola nomunthu vehei. Mahi tuesukisa okulinga ononkhono opo tuvelongese. Siovaa una onkhenda novamphoki. (Lev. 19:14) Tupondola okuhetekela ongeleka ya Siovaa tyina tukuatesako ovamphoki okukala noupanga Nae.

TYILINGWA ÑGENI?:

• “Ovola” ovamphoki. (Mat. 10:11) Okuti wii umwe mombunga yenyi omumphoki? Okuti motelitoliu yenyi muna osikola ine eongano liesuka nomikanda pala ovamphoki?

• Kala nesuko navo. Okukala nonkhenda nokukala navo nesuko tyipondola okukuatesako ovamphoki okutula omutima. Himbika etompho notyipuka tyimwe vesuka natyo.

• Vekuatesako okukala omapanga a Huku. Opo tukuateseko ovamphoki eongano likahi nokulinga omikanda ominyingi pala ovamphoki. Mupula oityi tyikahi vali nawa kwe. Omukulu wovilinga una okutala ankho omikanda viaitwa nomukuatate omumphoki omo vikahi.