OLUMONO LUKAHI MONDAKA YA HUKU | LEVITÍCO 1-3
Etyi Oviawa Ankho Vilingilwa
Ovitumino ankho vipopia okuti, ova Isilayeli ankho vena okulingila Siovaa oviawa ine ovilikutila. Oviawa ovio ankho vihambukiswa Siovaa, tupu ankho vilekesa otyilikutila Sesusi ankho meiya okulinga nouwa utundililako. — Heb. 8:3-5; 9:9; 10:5-10.
Ovinyama ankho vilingwa navio ovilikutila, ankho ovinyama viakongoka nawa viahalemanene. Tyelifwa notyo Sesusi ankho omunthu uhena nkhali una olutu lukahi nawa. — 1 Pet. 1:18, 19; tala olutalatu luokondye.
Tyina ankho valinga oviawa viokuyokwa, otyinyama ankho tyina okuawa atyiho ku Huku. Tyelifwa notyo, Sesusi weliavele ku Siovaa nomutima auho tyihatale konyima.
Ova Isilayeli ankho valinga oviawa viokupandula, ankho vena ombembwa na Huku. Tyelifwa no otyo, ovalembulwa valia kombolo avanu kovinyu Monthiki Yehinangelo Yononkhia mba Tatekulu, vena ombembwa na Huku.