Pilaulula Omu Upopila

Omihe 8:4, 7

ETYI UNA OKULINGA: Yandyulula nawa etyi ulongesa, etyi upopia atyikende ovanthu (atyihiwa), uti opopila pombwelo, opopila peulu, pamwe okuluminya, pamwe olipulukwa.

OÑGENI MOTYILINGI:

• Popila peulu, pamwe popila pombwelo. Tyina uhika potyipuka tyesukisa popila peulu, na tyina wahanda ovateheleli valinge etyi una nokupopia. Nonondaka mbupopia ekoyeso m’Ombimbiliya mbutangela peulu. Tepulula kondaka opopila pombwelo, tyina mopopi otyipuka matyiya, oo hamwe otyipuka tyiwelesa owoma, neetyi tyilingisa otyiho.

• Pilaulula ehambu liove. Tyina upopia tyehambu ngamo upopila, tyina tyisoyesa tupu natyo atyimoneka umwe. Tyina upopia etyi tyeihama, na tyina upopia etyi tyilingisa otyiho, voveka ondaka.

• Uti okuluminya olipulukwa. Kuluminya tyina upopia otyipuka tyimwe tyahambukiswa. Mahi lipulukwa tyina upopia etyi tyesukisa.