Oityi Huku Makalinga Aviukise Ouye?

ETYI OMBIMBILIYA IPOPIA

“Huku keulu, makapaka-ko ouhamba wahakahanywa-ko vali.” — Ndaniyele 2:44, Ombimbiliya Ikola.

“Twapewa omona omukwendye, Outumini maukakala komapepe ae.” — Isaiya 9:6; okatoi.

OTYO OTYIWA MOKONDA YATYI?

• Omutumini oo meketwetela oviwa. — Isaiya 48:17, 18.

• Mouye omupe matukakala umwe nawa, matukahambukwa. — Eholololo 21:3, 4.

OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?

Yoo, pena ovipuka vivali vituyumbisa-ko onthumbi:

• Sesusi walingile ovipuka vilekesa etyi Huku makaliga aviukise ouye. Sesusi walongesile ovalongwa vae vaite Ouhamba wa Huku uye, nokwita etyi Huku ahanda tyilingwe pano pohi. (Mateusi 6:9, 10) Evi Sesusi alingile vialekesile umwe okuti, evi twiita haa mavikakumbululwa.

  Etyi Sesusi ali pano, waavelele ovanthu okulia, ahakula vokwavela, atutilisa vokwankhia! (Mateusi 15:29-38; Swau 11:38-44) Ovipuka ovio Sesusi alingile, vialekesa etyi makalinga tyina amahimbika okutumina pano pohi. — Eholololo 11:15.

• Otyipuka ouye ukahi tyimoneka okuti kwakamba kapii Huku aviukise ovipuka. Sesusi wapopile okuti tyina nkhele Huku eheneviukise ovipuka, mouye mamukakala ondyala novinimawe novilwa. — Mateusi 24:3, 7.

  Hono ovipuka ovio tuvilwete umwe. Tyituyumbisa-ko onthumbi okuti apa katutu Huku mekevipola-ko.