OMAPULO OMBIMBILIYA AKUMBULULWA

Olie Watunga Eliapu?

Huku haeko watunga Eliapu. Mahi, Huku watunga oandyu ongwa, iya konyima aiholovona okukala Eliapu, tupu wiiwe okuti o Satanasi. Jesus wetyipopile nawa okuti, Eliapu ankho liali umwe oandyu ongwa, yahavelwa onombei. Otyo tyilekesa okuti ponthyimbi, Eliapu liali umwe omona omuviuki wa Huku.​—Tanga João 8:44.

Oñgeni oandyu ondalawa yakala ondingavivi?

Oandyu yokuakala Eliapu yaholovona okukala ondyale ya Huku iya aihindila ovalinepi votete opo valinge ngayo. Moluotyo, oyo muene yaholovona okukala Eliapu, tyihangununa okuti “Omutendeleyi,” ine o Satanasi, tyihangununa okuti “Ondyale.”​—Tanga Gênesis 3:1-5; Revelação 12:9.

Ngetyi ovipuka ovikuavo Huku atunga vina ounongo, oandyu yokuakala Eliapu nayo ankho ina epondolo liokuholovona inkha mailingi etyi tyaviuka ine otyetyi tyapenga, mahi aikala nehando liokufendwa. Ehando liayo liokukala nomunkhima liakala vali enene tyipona liokuhambukiswa Huku.​—Tanga Mateus 4:8, 9; Tiago 1:13, 14.

Oñgeni Eliapu litualako okuhongiliya ovanthu? Okuti wesukisa okulitila owoma? Upondola okuvasa omakumbululo omapulo oo Mombimbiliya.