Viukisa Moove Otyilivandyelo

Omutumwa Tiaku, watile Ombimbiliya yafwa otyilivandyelo, itukwatesako okutala etyi tyikahi mokati ketu. (Tia. 1:​22-25) Pahe oñgeni matuundapa nawa notyilivandyelo tyetu otyo?

Pokutanga lipulukwa. Ine tulitalela vala liwa motyilivandyelo, tupondola atuhamono apa tusukisa okuliviukisa. Opo tumone etyi tyili kohi yomutima wetu tusukisa okuviukisa, pokutanga Ondaka ya Huku tuna okulipulukwa umwe nawa.

Etyi utanga haunene tyiviukisa mwoove. Pamwe ine muna vakwenyi ove uli nokulitalela motyilivandyelo mahi otyitalesa oku kweheko, mamumonekela vala vakwenyi, ove ohamono apa usukisa okuliviukisa. No pokutanga Ombimbiliya tupondola umwe atumono okuti etyi tyiviuka mu ngandi. Mahi ine pokutanga evi tutanga tuviviukisa vala muvakwetu, kamatumono apa tuna okuliviukisa.

Pepuka omutima. Ine pokulitalela motyilivandyelo utala vala kweevi viehekahi nawa, matyikusoyesa. No pokutanga Ombimbiliya twesukisa okupepuka omutima atwehelisokela vala evi Siovaa ehetusokela. — Tia. 3:17.