Akabokisi k’Ebibuuzo

◼ N’oha orikwikirizibwa kugaita nari kuha orubazo aha kuziika?

Watchtower eya Desemba 1, 1975, ekashoboorora ngu omu kibiina abareeberezi n’abaheereza nibo bahikire kwetwa abatoorainwe. Ekiragiro kya eihanga nari ekicweka kyanyu kyaba nikiikiriza ngu ab’eishe-emwe abatoorainwe babe nibo baayebembera omukoro gw’okugaitwa yaaba baikiriziibwe gavumenti nari beehandiikiise omu b’ebiragiro, ab’eishe-emwe abatoorainwe (abareebereza nari abaheereza) kurugiirira aha byahandiikirwe, nibo bonka abashemereire kwebembera emikoro nk’egyo ey’okugaita. (Haaba hariho emikoro y’okugaita nikiba kitarikwetengyesa kubanza waamanya abayebembiire okugaita enyimaho.)

Ni kikuru kumanya ebiragiro by’ekicweka kyanyu ebirikukwata aha kugaita reero mukabigyenderaho. Tikirikwetengyesa kuhandiikira ofiisi y’eitaagi ahabw’okuba nibaba batarikumanya biragiro ebirikukwata aha kugaita omu bicweka bitari bimwe na bimwe.

Abarikuza kugaitwa baaba nibenda ngu ow’eishe-emwe otari mureeberezi kwonka orikutwaza gye omu kibiina abe niwe yaaha orubazo aha kugaitwa kwabo, entebeekanisa neebaasa kukorwa kugira ngu aruhe, bwanyima omureeberezi nari omuheereza orikwikirizibwa ayebembere omukoro gw’okugaita. Ahabw’okuba ebiragaano by’obushwere nibyo abantu barikutwara nka bikuru aha mukoro gw’okugaitwa.

Baba nibenda kugaitirwa omu Kyombeko ky’Obukama bashemereire kubanza baikirizibwa abari aha kakiiko k’obuheereza ak’ekibiina ekyo. (Reeba ebiri omu Gyuni 1975 Kingdom Ministry “Akabokisi k’Ebibuuzo.”)

Okuha orubazo aha kuziika nikutaana n’okwebembera omukoro gw’okugaita. Tihariho buhabuzi oburikworeka oine kuha orubazo aha kuziika. Abarikuba bafeereirwe nibacwamu ow’eishe-emwe orikukora gye omu by’omwoyo kuha orubazo. Egyo neeba eri entebeekanisa yaabo, nibo barikucwamu. Ow’eishe-emwe ou baarikucwamu kukoresa tikirikumwetegyesa kuba otoorainwe kurugiirira aha byahandiikirwe nk’omureeberezi nari omuheereza omu kibiina.