Gira Ekigyendererwa ky’Okwega Ebisya

Twaba nitutebeekanisa kwega, nitubaasa kwebuuza tuti: ‘Nyine ekihika ky’okwega ki?’ Kwonka, twine kwegyendesereza kutaikiriza ebi twiniire ekihika kuturemesa kwega ebisya ebi Yehova arikwenda kutwegyesa. Nitubaasa kuguma tuta twine ekihika ky’okwega ebisya twaba nitweyegyesa?

Shaba kugira obwengye. Shaba Yehova kukuhwera kwetegyereza eki arikwenda oyegye omu kaire ako. (Yak. 1:5) Yetantare kuremera aha bi otwire noomanya.—Enf. 3:​5, 6.

Ikiririza omu maani g’Ekigambo kya Ruhanga. “Ekigambo kya Ruhanga kiine amagara.” (Heb. 4:12) Nikibaasa kuhindura emiteekateekyere yaitu buri kukishoma, kwonka twine kukishoma n’ekigyendererwa ky’okwega ebisya.

Yoreka ngu noosiima byona ebiri aha meeza ya Yehova. Eby’okurya by’omwoyo biri ‘nk’obugyenyi bw’ebishaju.’ (Isa. 25:6) Otareka kurya ‘eby’okurya’ ebi orikuteekateeka ngu toraije kunurirwa. Waakora otyo, torikwija kugasirwa kyonka, kureka noija kwesiimira omu bi Yehova arikutuha!