EBI ABAKRISTAAYO TWINE KUKORA
Koresa gye Ebi Turikukoresa omu Kwegyesa Abantu Baibuli
Okuhindura abantu abeegi nikishushana n’okwombeka enju. Kubaasa kwombeka gye, twine kwega kukoresa gye eby’okukoresa. Okukira munonga twine kwega kukoresa gye ekikoreso kyaitu ekikuru, Ekigambo kya Ruhanga. (2Tim 2:15) Kandi twine kukoresa gye ebitabo byaitu na vidiyo zaitu—twine ekigyendererwa ky’okuhindura abantu abeegi.a
Noobaasa kwongyera ota kukoresa gye Ebi Turikukoresa omu Kwegyesa Abantu Baibuli? (1) Shaba obuhabuzi orikwebembera guruupu yaanyu y’okubuurira, (2) buurira n’omubuurizi omazire obwiire buraingwa arikubuurira nari payoniya (3) guma nooyegyezamu. Waamanya kukoresa gye ebitabo baitu na vidiyo zaitu, noija kutunga okushemererwa omu murimo gw’okwombeka omu by’omwoyo oguriyo nigukorwa hati.
MAGAZINI
BUROCUWA
EBITABO
TURAKITI
VIDIYO
OBUPAPURA BW’OKWETA ABANTU
KAADA YA JW.ORG
a Ebitabo ebimwe ebitari mu bi turikukoresa kwegyesa abantu Baibuli bikatebeekanisibwa kuhwera abantu abamwe. Nibibaasa kukoresibwa kyaba nikyetengyesa.