Yetantare Emiteekateekyere y’Ensi Waaba Nootebeekanisa Obugyenyi bw’Okugaitwa

Abakristaayo abarikutebeekanisa obugyenyi bw’okugaitwa nibaba baine bingi by’okucwamu. Nibabaasa kugyemeserezibwa kutooreza abantu b’omu kicweka kyabo abarikukora obugyenyi bw’esente nyingi. Banywani baabo n’abanyabuzaare nibaba baine emiteekateekyere yaabo aha bi baine kukora aha bugyenyi bwabo. Ni misingye ki ey’omu Baibuli erikubaasa kuhwera abarikutebeekanisa obugyenyi kuguma baine omutima ogutarikweshinja kandi hataine eki barikwefuuza?

MUREEBE VIDIYO OBUGYENYI BW’OKUGAITWA OBURIKUHAISA YEHOVA EKITIINISA, REERO MUGARUKYEMU EBIBUUZO EBI:

• Emisingye y’omu Baibuli egi ekahwera eta Nick na Juliana?

  • 1Kor 10:31

  • 1Yoh 2:15, 16

  • Gal 5:19-21

  • 1Tim 2:9

• Ahabw’enki abarikutebeekanisa obugyenyi bw’okugaitwa baine kutoorana ow’eishe-emwe okuzire omu by’omwoyo kuba ‘mukuru w’obugyenyi’?​—Yoh 2:9, 10.

• Ahabw’enki Nick na Juliana baacwiremu kukora obugyenyi bwabo omu muringo ogwo?

• N’oha oshemereire kucwamu eky’aha muheru aha bikwatiraine n’obugyenyi bw’okugaitwa?​—w06-E 10/15 25 kacw. 10.