Enshonga Ahabw’enki Entaro n’Obutabanguko Bikiriho

EKIBI

Ruhanga akahanga abazaire baitu ab’okubanza Adamu na Haawa omu kyeshusha kye. (Okutandika 1:27) Ekirikumanyisa ngu bakaba baine okubaasa kw’okworeka emitwarize ya Ruhanga otwariiremu obusingye na rukundo. (1 Abakorinso 14:33; 1 Yohaana 4:8) Kwonka, Adamu na Haawa bakagomera Ruhanga kandi baashiisha. N’ekyarugiremu, twena tukahungura ekibi n’okufa. (Abarooma 5:12) Ekibi eki twahungwire nikyo kirikutureetera kuteekateeka n’okwenda kukora ebintu by’obushaarizi.—Okutandika 6:5; Mako 7:​21, 22.

OBUTEGYEKI BW’ABANTU

Ruhanga tarahangire abantu kutegyeka bagyenzi baabo. Baibuli neegamba aha nshonga egyo eti: “Omuntu weena ogyenda tabaasa kwehabura mu rugyendo rwe.” (Yeremia 10:23) N’ahabw’ekyo, obutegyeki bw’abantu tiburikubaasa kumariraho kimwe entaro n’obutabanguko.

SITAANE NA BAADAIMONI BE

Baibuli neeyoreka ngu “ensi yoona eri omu butegyeki bw’omubi.” (1 Yohaana 5:19) “Omubi ogwo” ni Sitaane Omuregi, kandi n’omwitsi. (Yohaana 8:44) Sitaane na baadaimoni be abatarikureebwa nibo barikureetera abantu okukunda entaro n’obushaarizi.—Okushuuruurwa 12:​9, 12.