EISHOMO 13

Okworeka Obukuru bw’Ebi Orikugamba

Enfumu 3:21

EKY’OKUKORA: Hwera abakuhurikiize kwetegyereza oku ebi orikugamba birikubakwataho, kandi boorekye oku baine kubigyenderaho.

Teekateeka aha bakuhurikiize. Teekateeka ahabw’enki abakuhurikiize baine kuhurira obutumwa obu obainiire, n’enshonga nkuru eziraabahwere.
Yoreka abakuhurikiize eki baine kukora. Kuruga aha kutandika, buri omwe okuhurikiize ashemereire kwehurira ati: ‘Eki nikinkwataho.’ Waaba nooshoboorora buri nshonga enkuru, yoreka oku abakuhurikiize barikubaasa kugigyenderaho. Yetantare okugamba omu bwingi, beitu buri nshonga gigambe okwakyo.

Shoboorora omu muringo gwa rukundo, kandi ogw’embabazi oku emisingye ya Baibuli eine kugyenderwaho. Omu mwanya gw’okureetera abandi kweshinja, bahwere kugira rukundo n’okwikiriza kuhami, oine obwesigye ngu nibaija kukora ekihikire.