EISHOMO 11

Okugamba Oine Omuhimbo

Abarooma 12:11

EKY’OKUKORA: Higa abakuhurikiize orikugamba oine omujinya.

Byetegyereze gye bikuhikye aha mutima. Waaba nootebeekanisa ebi orikuza kugamba, teekateeka munonga aha bukuru bw’obutumwa bwawe. Teeraho kumanya gye ebi orikuza kugambaho kugira ngu obigambe kuruga aha mutima.
Ta omutima aha bakuhurikiize. Teekateeka aha ku ebi oraashome nari ebi oraayegyese biraagasire abakuhurikiize. Fayo kugamba omu muringo oguraabareetere kusiima ebi oraagambe.
Gira omujinya omu kugamba. Waaba noogamba yoreka omuhimbo. Yoreka enyehurira zaawe orikukoresa gye ebicweka byawe by’omubiri n’endeebeka y’aha maisho ehikire.

Yegyendesereze kutahuzya abakuhurikiize orikukoresa ebicweka by’omubiri omu muringo nigwo gumwe gukaba nk’omuze. Kureka bikorese omu muringo ogwine amakuru. Yoreka omuhimbo waaba nooyegyesa enshonga enkuru nari orikuhiga abakuhurikiize kugira eki baakora. Otarusya abakuhurikiize orikworeka omuhimbo ogurengire.