Bzinthu Bzomwe Bzingakuthandizeni Kuwerenga Bibliya Ntsiku Zentse

Kodi imwepo bzidakunesani kale kuteweza ndondomeko ya kuwerenga Bibliya ntsiku zentse thangwe ra kukhala na bzinthu bzizinji bzakucita? (Djoswa 1:8) Penu ndibzo, yezerani kuphatisa basa nfundo zomwe ziri m’nyantsizi:

• Ikhani cinthu comwe cingambakukumbuseni. Ikhani alarme mu telefoni mwanu kuti imbakukumbuseni ikafika nthawe ya kuwerenga Bibliya.

• Ikhani Bibliya lanu pa mbuto yomwe mungakwanise kumbaliwona. Penu imwepo mumbaphatisa basa Bibliya lakucita kudindidwa, liikheni pa mbuto yomwe mungambaliwone nthawe zentse. — Deuteronomiyo 11:18.

• Mbatetekerani maaudiyo ya m’Bibliya. Mbatetekerani maaudiyo ya m’Bibliya pomwe mukucita mabasa yanu ya ntsiku na ntsiku. Tara, omwe ni mpainiya na mai omwe ambaphata basa usiku, adati: “Kutetekera maaudiyo ya m’Bibliya pomwe ndikucita mabasa ya pamui kumbandithandiza kuti nimbawerenge Bibliya ntsiku zentse.”

• Lekani kubwerera m’mbuyo. Cinthu cinango cikakutazisani kuwerenga Bibliya ninga momwe mukhafunira, yezerani kuwerenga mavesi mang’ono-ng’ono ya m’Bibliya pomwe mukanati kugona. Imwepo mun’dzagumana phindu napo mukambawerenga mavesi mang’ono-ng’ono. — 1 Pedru 2:2.