Edwɛne
Devidi ayɛlɛyelɛ edwɛne, kɛ bɛva bɛyɛ ngakyelɛ.*
38 O Gyihova, mmatea me wɔ mekɛ mɔɔ wɔva ɛya la,
Anzɛɛ mmatenrɛ me wɔ mekɛ mɔɔ wɔva ɛya kpole la.+
2 Ɔluakɛ wɔ ɛda mbaka ɛwowɔ me ɛhɔ moa,
Yɛɛ ɛ sa ɛyɛ ɛlomboɛ wɔ me nwo zo.+
3 Wɔ ɛya kpole ne ati, me sonlabaka ne amuala ɛnde kpɔkɛ.*
Me ɛtane ti, menlɛ anzodwolɛ.*+
4 Ɔluakɛ me nvonleɛ ɛbo me nwo zo;+
Bɛle kɛ adesoa ɛlomboɛ la, mengola ye soa.
5 Me nganlɛ ɛkpɔlɔ na bɛbɔ,
Ɔlua me ngoaseasɛm ti.
6 Me nyanelilɛ ɛmaa megolo megua;
Medua ye alɔbɔlɛ nu dahuu.
8 Me nwo ɛnyia, na mebubu bɔkɔɔ;
Me ahonle mɔɔ ɛlɛdi nyane la maa mekponle* kpole.
9 O Gyihova, ɛze mɔɔ mekulo la amuala,
Na me ɛkponlenlɛ ɛnvea wɔ.
10 Me ahonle si kum kum, me anwosesebɛ ɛwie,
Na wienyi ne mɔɔ wɔ me nye zo la ɛyɛ awozinli.+
11 Me nganlɛ ne mɔ ati, me alɔvolɛ nee me gɔnwo mɔ ɛkpo me,
Yɛɛ menli mɔɔ bikye me kpalɛ la ɛmba me nwo.
12 Menli mɔɔ kpondɛ me ahu me* la suozua me ngane;
Bɛdabɛ mɔɔ bɛkpondɛ me bɛayɛ me ɛtane la ka ɛzɛkyelɛ nwo edwɛkɛ;+
Bɛka mɛlɛbɛla edwɛkɛ dahuu.
14 Meyɛ kɛ sonla mɔɔ ɛnde edwɛkɛ,
Na ɔngola ɔnga edwɛkɛ ɔnlie ɔ nwo la.
16 Ɔluakɛ menganle kɛ: “Mmamaa bɛdi fɛlɛko wɔ medame ti
Anzɛɛ saa me gyakɛ tele a, mmamaa bɛmemaa bɛ nwo zo wɔ me ti.”
17 Ɔluakɛ anrɛɛ metɔ aze,
Na ɛnee dahuu mete nyane.+
19 Noko me kpɔvolɛma anwo yɛ se* yɛɛ bɛle katakyiema,*
Bɛdabɛ mɔɔ mgbane gyɛne nu ala bɛkyi me la anwo zonle.
20 Bɛvale ɛtane bɛduale kpalɛ mɔɔ menyɛle la kakɛ;
Bɛdwazole bɛtiale me ɔlua kpalɛ mɔɔ ɛnee mekulo kɛ meyɛ la ati.
21 O Gyihova, mmakpo me.
O Nyamenle, mmafi me nwo ɛkɔ moa.+
22 Ka ɛ nwo baboa me,
O Gyihova, me ngoanedievolɛ.+