Edwɛne
Kɔmaa edwɛndolɛma kpanyinli ne; Mɔte-laben* zo. Devidi ayɛlɛyelɛ edwɛne.
א [Aleph]
9 O Gyihova, mebava me ahonle kɔsɔɔti meaye wɔ ayɛlɛ;
Mebaha wɔ nwanwane gyima ne mɔ amuala anwo edwɛkɛ.+
2 Me nye balie na meali fɛlɛko wɔ wɔ nu;
O Anwuma Anwumanli, mebado ayɛlɛyelɛ edwɛne meamaa wɔ duma ne.+
ב [Beth]
3 Saa me kpɔvolɛma sia bɛ nzi a,+
Bɛbadu bɛagua aze na bɛ bo zo aminli wɔ ɛ nyunlu.
4 Ɔluakɛ ɛdi me edwɛkɛ ɛmaa me;
Ɛtɛnla wɔ belemgbunli ebia zo ɛbua ndɛne tenlene nu.+
ג [Gimel]
5 Wɔdea maanle maanle+ na wɔzɛkye amumuyɛma,
Wɔkyikyi bɛ duma wɔvi ɛkɛ ne bɔkɔɔ.
ה [He]
7 Noko Gyihova de belemgbunli ebia zo dahuu;+
Yeva ye belemgbunli ebia ne yezie ɛkɛ kpundii yemaa pɛlepɛlelilɛ.+
ו [Waw]
10 Bɛdabɛ mɔɔ bɛze wɔ duma la bɛava bɛ nwo ado ɛ nwo zo;+
O Gyihova, ɛnrɛkpo bɛdabɛ mɔɔ bɛkpondɛ wɔ la ɛlɛ.+
ז [Zayin]
11 Bɛdo ayɛlɛyelɛ edwɛne bɛmaa Gyihova mɔɔ de Zayɔn la;
Bɛmaa menli ɛnwu ye gyima ne mɔ.+
ח [Heth]
13 Maa menyia ɛ nyunlu ɛlolɛ, O Gyihova; nea nyane mɔɔ bɛdabɛ mɔɔ bɛkyi me la ɛlɛkile me la,
Wɔmɔ mɔɔ ɛmaa me zo ɛfi ewule nlenkɛ mgbole ne mɔ anloa la,+
14 Amaa meabɔ wɔ gyima mɔɔ fɛta ayɛlɛyelɛ la nolo wɔ suakpole Zayɔn nlenkɛ mgbole ne mɔ anloa,+
Na meali fɛlɛko wɔ wɔ ngoanelielɛ ne anwo.+
ט [Teth]
15 Maanle maanle ne mɔ ɛdɔ kuma ne mɔɔ bɛvunle la anu;
Avonle ne mɔɔ bɛvale bɛzuale ɛhane la ɛzɔ bɛ gyakɛ.+
16 Bɛze Gyihova wɔ ndɛne mɔɔ ɔbua la anwo.+
Amumuyɛma asa anloa gyima sua bɛ ɛhane.+
Higeeyɔn.* (Sila)
י [Yod]
17 Amumuyɛma bɛahɔ Nla* ne anu,
Maanle maanle mɔɔ bɛ rɛle fi Nyamenle la kɔsɔɔti.
כ [Kaph]
19 O Gyihova, dwazo! Mmamaa sonla dasanli di konim.
Maa bɛbua maanle maanle ne mɔ ndɛne wɔ ɛ nyunlu.+
20 O Gyihova, ka bɛ ɛzulolɛ,+
Maa maanle maanle ne mɔ ɛnwu ye kɛ bɛle menli ala. (Sila)