Edwɛne

145 Mebakpogya wɔ zo, O me Nyamenle, me Belemgbunli,+

Mebaye wɔ duma ne ayɛlɛ dahuu.+

 2 Mebaye wɔ ayɛlɛ alehyenlɛ biala;+

Mebaye wɔ duma ne ayɛlɛ dahuu.+

 3 Gyihova le bedevinli yɛɛ ɔfɛta ayɛlɛyelɛ kpole kpalɛ;+

Bɛngola bɛnvedevede ye kpoleyɛlɛ ne anu.*+

 4 Bɛbaye wɔ gyima ne mɔ ayɛlɛ ɔvi awolɛndoazo zo kɔdwu awolɛndoazo zo;

Bɛbaha wɔ gyima mgbole* ne mɔ anwo edwɛkɛ bɛahile.+

 5 Bɛbaha wɔ tumililɛ ne nee wɔ anyunlunyia kɛnlɛma ne anwo edwɛkɛ+

Na mebadwenledwenle wɔ nwanwane gyima ne mɔ anwo.

 6 Bɛbaha wɔ nyɛleɛ ɛzulolɛ ne mɔ* anwo edwɛkɛ,

Na mebabɔ wɔ kpoleyɛlɛ ne nolo.

 7 Saa bɛkakye wɔ kpalɛyɛlɛ dɔɔnwo ne a, bɛbaha nwolɛ edwɛkɛ,+

Na wɔ tenleneyɛlɛ ne ati, bɛbadea nu anyelielɛ nu.+

 8 Gyihova akunlu yelɛyela ye* yɛɛ ɔse anwunvɔne,+

Ɔkyɛ na yeava ɛya yɛɛ ye ɛlɔlɛ kpundii ne le kpole.+

 9 Gyihova le kpalɛ maa menli kɔsɔɔti,+

Na ye anwunvɔnezelɛ da ali wɔ ye gyima kɔsɔɔti anu.

10 O Gyihova, wɔ gyima kɔsɔɔti bawula wɔ anyunlunyia,+

Na wɔ nɔhavoma baye wɔ ayɛlɛ.+

11 Bɛbabɔ wɔ belemgbunlililɛ ne anyunlunyia ne nolo+

Na bɛaha wɔ tumi kpole ne anwo edwɛkɛ,+

ל [Lamed]

12 Amaa menli anwu wɔ gyima mgbole* ne mɔ+

Nee wɔ belemgbunlililɛ ne anyunlunyia kɛnlɛma ne.+

13 Wɔ belemgbunlililɛ ne le dahuu belemgbunlililɛ,

Yɛɛ wɔ tumililɛ ne wɔ ɛkɛ wɔ awolɛndoazo kɔsɔɔti anu.+

14 Gyihova sɔ bɛdabɛ mɔɔ bɛlɛgua aze la kɔsɔɔti,+

Na ɔmaa bɛdabɛ mɔɔ bɛgua aze la kɔsɔɔti zo.+

15 Abɔdeɛ kɔsɔɔti anye la ɛ nwo zo;

Ɛmaa bɛ aleɛ wɔ ye mekɛ nloa.+

16 Ɛbuke ɛ sa nu

Na ɛmaa tease abɔdeɛ biala nyia mɔɔ ɔkulo la.+

17 Gyihova le tenlenenli wɔ ye ndenle kɔsɔɔti anu+

Yɛɛ ɔdi nɔhalɛ wɔ ye nyɛleɛ kɔsɔɔti anu.+

18 Gyihova bikye bɛdabɛ mɔɔ bɛfɛlɛ ye la kɔsɔɔti,+

Bɛdabɛ mɔɔ bɛfɛlɛ ye nɔhalɛ nu la kɔsɔɔti.+

19 Ɔmaa bɛdabɛ mɔɔ bɛsulo ye la nyia mɔɔ bɛkulo la;+

Ɔtie bɛ ɛzunlɛ, na ɔdie bɛ.+

20 Gyihova bɔ bɛdabɛ mɔɔ bɛkulo ye la kɔsɔɔti anwo bane,+

Noko ɔbazɛkye amumuyɛma amuala.+

21 Me nloa babɔ Gyihova ayɛlɛyelɛ ne nolo;+

Bɛmaa tease abɔdeɛ biala* ɛye ye duma nwuanzanwuanza ne ayɛlɛ dahuu.+