Edwɛne

34 Mebaye Gyihova ayɛlɛ dahuu;

Me nloa ɛnrɛgyakyi ye ayɛlɛyelɛ ɛlɛ.

 2 Mebava Gyihova meadu me nwo;+

Bɛlɛvoma bɛade na bɛali fɛlɛko.

 3 Bɛboka me nwo bɛmaa yɛhanvo Gyihova;+

Bɛmaa yɛbɔ nu yɛkpogya ye duma ne zo.

 5 Bɛdabɛ mɔɔ bɛvale bɛ nye bɛdole ɔ nwo zo la anye liele;

Bɛ nyunlu angua aze.

 7 Gyihova anwumabɔvolɛ bɛnga bɛdabɛ mɔɔ bɛsulo Ye la kɔsɔɔti anwo yia,+

Na ɔdie bɛ.+

 8 Bɛzɔ bɛnlea na bɛnwu kɛ Gyihova le kpalɛ;+

Anyelielɛ a le sonla ne mɔɔ nriandi kɔfea ye nu la.

 9 Bɛzulo Gyihova, bɛmɛ ye nwuanzanwuanzama kɔsɔɔti,

Ɔluakɛ bɛdabɛ mɔɔ bɛsulo ye la ɛngyia ɛhwee.+

10 Ɛhɔne ku awenade ngyikyi mɔɔ anwo yɛ se bɔbɔ la,

Noko bɛdabɛ mɔɔ bɛkpondɛ Gyihova la ɛnrɛhyia debie kpalɛ biala anwo.+

11 Me mra, bɛrɛla, bɛdie me;

Mebahilehile bɛ Gyihova anwo ɛzulolɛ ne.+

12 Bɛ nuhua ne boni a ɔ nye die ngoane nwo a

Na nwane a kulo kɛ ɔnyi ɔkyɛ na ɔnwu ninyɛne mgbalɛ dɔɔnwo a?+

13 Ɛnee bɔ ɛ tafinlima nwo bane fi ɛtane nwo,+

Yɛɛ ɛ nloa nwo bane fi mɛlɛbɛla edwɛkɛ nwo.+

14 Twe ɛ nwo fi ɛtane nwo na yɛ kpalɛ;+

Kpondɛ anzodwolɛ na di ɔ nzi.+

15 Gyihova anye wɔ tenlenema anwo zo,+

Na bɛsu bɛkpondɛ ye moalɛ a, ɔyɛ ɛnzolɛ ɔtie bɛ.+

16 Noko Gyihova anye sa bɛdabɛ mɔɔ bɛyɛ ɛtane la,

Kɛ ɔkyikyi bɛ nwo ngakyelɛ kɔsɔɔti yeavi azɛlɛ ne azo.+

17 Bɛdeanle nu, na Gyihova dele;+

Ɔliele bɛ ɔvile bɛ anwongyelelɛ kɔsɔɔti anu.+

18 Gyihova bikye bɛdabɛ mɔɔ bɛ ahonle ɛbubu la;+

Na ɔdie bɛdabɛ mɔɔ bɛ sa nu ɛdo la.+

19 Tenlenenli amaneɛnwunlɛ* zonle,+

Noko Gyihova die ye fi ɔ muala anu.+

20 Ɔbɔ ye mbowule kɔsɔɔti anwo bane;

Ko bɔbɔ ɛmbu.+

21 Munzule bahu amumuyɛnli;

Na bɛdabɛ mɔɔ bɛkyi tenlenenli la bɛali fɔlɛ.

22 Gyihova die ye azonvolɛ ngoane;*

Ɔnrɛmaa bɛdabɛ mɔɔ bɛfa ye bɛyɛ bɛ ɛvealeka la anu biala ɛnrɛli fɔlɛ.+