Nyamenle Agɔnwo Mɔ Koati Ɛtane

Seetan sɔ menli nea ɔmaa bɛyɛ ninyɛndane. Ɔwɔ kɛ awie mɔɔ kpondɛ kɛ yɛ Nyamenle agɔnwo la kyi mɔɔ Gyihova kyi la. (Edwɛndolɛ 97:10) Ninyɛne mɔɔ Nyamenle agɔnwo mɔ koati la bie mɔ ɛne:

Nla nu ɛbɛlatane. “Bɛmmasɛkye agyalɛ.” (Adendulɛ 20:14, NW) Nla mɔɔ li agyalɛ nyunlu la noko le ɛtane.​—1 Kɔlentema 6:18.

Nzabolɛ. “Nzama . . . ɛnrɛnyia Nyamenle Belemgbunlililɛ ne.”​—1 Kɔlentema 6:10.

Kodiawuyɛlɛ, Ɛkolɛyelɛ. “Bɛmmaku sonla.”​—Adendulɛ 20:13.

Awuleyɛlɛ. “Bɛmmawua.”​—Adendulɛ 20:15.

Adalɛbɔlɛ. Gyihova kyi “adalɛ ɛbɔlɛ.”​—Mrɛlɛbulɛ 6:17.

Basabasayɛlɛ nee Ɛyavalɛ Kpole. ‘[Gyihova, NW] . . . kyi mɔɔ kulo konle konle la.’ (Edwɛndolɛ 11:5) “Nwonane ne gyima ne mɔ [bie a le] . . . ɛya.”​—Galeehyeama 5:19, 20.

Kyakyadolɛ. “Bɛ nee awie biala . . . mɔɔ ɔle . . . anyebolo la mmatu.”​—1 Kɔlentema 5:11.

Menli mɔɔ asolo bɛ nwo nane yɛɛ aneɛ ngakyile ɛkpɔlɛ. “Bɛhɔ zo bɛhulo bɛ kpɔvolɛma na bɛzɛlɛ bɛmaa menli mɔɔ yɛ bɛ kpɔdekpɔde la.”​—Mateyu 5:43, 44.

Mɔɔ Nyamenle ka kɛ yɛyɛ la boa yɛ. Ɔnla aze kɛ yɛbahoati ninyɛndane ɛyɛlɛ. Ɔlua Gyihova nee ye Alasevolɛ ne moalɛ zo, ɛbahola wɔahoati ninyɛne mɔɔ ɛnzɔ Nyamenle anye la.​—Ayezaya 48:17; Felepaema 4:13; Hibuluma 10:24, 25.