Debie Mɔɔ Ɛbahola Wɔazukoa La
Fi Wɔ Ahonle Nu Sukoa ‘Sunsum Nu Edwɛne’
“Mekɛ biala mɔɔ mebade nganeɛ kɛ nvasoɛ ɛnle me nwo zo la, Gyihova dua edwɛne ngakyile mɔɔ wɔ JW Broadcasting® azo la maa me anwosesebɛ.”—Lorraine, U.S.A.
‘Sunsum nu edwɛne’ tɛboka Kilisienema ɛzonlenlɛ nwo. (Kɔl. 3:16) Saa ɛfi wɔ ahonle nu ɛsukoa edwɛne ɛhye mɔ a, bɛbaboa wɔ wɔ mekɛ bɔbɔ mɔɔ ɛnlɛ edwɛne buluku ne anzɛɛ ɛlɛtɔlɔneke zo ɛdeɛ ne bie la. Dua nzuzulɛ ɛhye mɔ azo kye edwɛne ngakyile ne mɔ bie gua ɛ ti anu.
Bɔ mɔdenle kenga na te nuhua edwɛkɛ ne abo. Saa ɛbahola wɔahakye edwɛkɛ bie ndɛndɛ a, kyesɛ ɛte ɔ bo kpalɛ. Ɛbahola wɔanwu yɛ edwɛne ne anu edwɛkɛ ne amuala, mɔɔ edwɛne gyɛne yɛɛ ngakula edwɛne ne mɔ bɔbɔ boka nwo la wɔ jw.org. Wɔ Ninyɛnezielɛleka ne abo, kpondɛ Edwɛne.
Kɛlɛ nuhua edwɛkɛ ne bie wɔ kɛlata zo. Ɛyɛ ye zɔ a, ɔbamaa edwɛkɛ ne aha wɔ adwenle nu.—Dit.17:18.
To edwɛne ne kpole. Kenga anzɛɛ to edwɛne ne fane dɔɔnwo.
Sɔ wɔ adwenle nea. Bɔ mɔdenle kɛ ɛbahakye edwɛkɛ ne mɔɔ ɛnrɛnlea kɛlata anzɛɛ debie biala azo a, akee ɛwie a, nea kɛzi ɛbɔle mɔdenle la.