ƐZUKOALƐDEƐ 20

Adwulaleɛ Mɔɔ Fɛta

Nolobɔvo ne 12:13, 14

MƆƆ ƆHYIA KƐ ƐYƐ: Saa ɛlɛdwula wɔ edwɛkɛ ne a, boa wɔ tievolɛma maa bɛlie bɛdo nu na bɛva mɔɔ bɛzukoa la bɛyɛ gyima.

Maa wɔ adwulaleɛ ne ɛvale wɔ edwɛkɛ ne amuala anwo. Bobɔ wɔ edwɛkɛ titili ne mɔ nee edwɛkɛtile ne azo bieko.
Maa wɔ tievolɛma ɛyɛ nwolɛ debie. Kile wɔ tievolɛma mɔɔ ɔwɔ kɛ bɛyɛ, na maa bɛnwu deɛmɔti ɔwɔ kɛ bɛyɛ zɔ la. Dua wɔ edwɛkɛhanlɛ zo maa bɛnwu ye kɛ ɛdie mɔɔ ɛlɛka la ɛdi bɔkɔɔ na nwolɛ hyia.
Maa wɔ adwulaleɛ ne anu ɛla ɛkɛ na ɔyɛ sikalɛ. Mmaka edwɛkɛ titili fofolɛ nwo edwɛkɛ. Ka edwɛkɛ ekyi mɔɔ bamaa wɔ tievolɛma ava mɔɔ bɛde la bɛayɛ gyima la dwula wɔ edwɛkɛ ne.

Saa ɛlɛdwula wɔ edwɛkɛ ne a, mmatendɛ ndɛndɛ, yɛɛ mmaka ɛ ne aze ngyikyi ngyikyi ɛfa ɛwie. Maa wɔ edwɛkɛ mɔɔ li awieleɛ la ɛhile kɛ ɛlɛdwula ɛdendɛlɛ ne.