Muɛ̄ A Bɔloo Ziī Ziī Kɛ̄

Kam 8:4, 7

TƐƐ̄NYƆƆ: Doo kɔ pya nɛɛ a gaa gbaɛ̄tɔ̄ a dābeeloo taɛ kɛ̄ lo nu le doo tɛ̄maloo ekuma muɛ̄ nyɔɔ ale kɛ̄, le gbagbarɛ ale lɛlookɛ̄.

KƐ̄ EDOO DOO:

• Kuma muɛ̄ nyɔɔ le kɛ̄. Dana muɛ̄ nɛ nyɔɔ sɔ̄ o gaa kɔ nu a lu kpog-bee ale o gbī ezū pya o gaa kɔ ue nɛ. Doo nage wo sɔ̄ o gaa buū ue biaɛ a le bu Baibol. Kuma muɛ̄ a kɛ̄ sɔ̄ o gaa kɔ nu a yere bɔɔ ale nu anua gbɛnɛ ekɛɛrɛ.

• Nyaana kɛ̄ o sere muɛ̄ doo. Lo a bɔloo bu bui muɛ̄ ue, dana muɛ̄ a lo etɔgɛ nia ale kɛ̄ nu kuī doo. Kuma muɛ̄ a kɛ̄ lo etɔgɛ biirabu ale ekiɛ̄nu.

• Gbarɛ ale o lɛlookɛ̄. Kɔ ue gbarɛ lo etɔgɛ ɛɛbu. Lɛlookɛ̄ kɔ ue sɔ̄ o gaa kɔ nu a lu kpog-bee ue.