Piiga Lo E’ina Bu Beenyiɛ

Kam 3:1

TƐƐ̄NYƆƆ: Yerebah nɛ pya a gaa a gbaɛ̄tɔ̄ kɔ ba a muɛ̄ biī a le bu nu ba nɔ sa ba su yere bu dogo.

KƐ̄ EDOO DOO:

• Yerebah nɛ pya a gaa a gbaɛ̄tɔ̄ kɔ ba a sikɛ̄ ɛp aba aba. Bip wa pya ebip edoo kɔ ba a sikɛ̄ ɛma ɛp wa ekɛɛrɛ.

• Kɔ ue edoo kɔ ba a ɛrɛ le ekɛɛrɛ. Zū pya a gaa a gbaɛ̄tɔ̄ kɔ ba a gbītɛ̄ suā nu a nua ba si le tam. Yerebah wa nɛ kɔ ba a doo nu dɛɛa nyɔɔ wereloo ba ɛrɛ loo Jɛhova, nɛɛ le aba le, le tɔgɛnu Baibol. Yerebah nɛ pya o gaa kɔ ue nɛ kɔ ba a muɛ̄ suānu a le bu nu Baibol kɔ; o aa doodoo bee o gaa wa tɔgɛ nu. Taā o kɔ ba gaa doo leere sɔ̄ ba naa gaa doo leere, yere wa mɛm loo bu o ekɔaue kɔ ba a agɛrɛloo kuma kɛ̄ ba dap doo.

• Kue wa ekɛɛrɛ kumaloo Jɛhova. Baatɛ̄ kɛ̄ tɔgɛnu Baibol, daakuu, le lok a le bu Baibol tɔgɛ pya elap dogo Bari le wereloo a i ɛrɛ loo doo. Doo kɔ pya a gaa a gbaɛ̄tɔ̄ a suā nu Jɛhova kɛɛrɛ sa piiga lo edoo nu a ye nia.