E’agaloo

Nu Jizɔs Bee Doo

VIDIO: Jizɔs Zuurabahtɔ̄ Ziī Zege Alu Mɛnɛ Buɛ̄ Sa Ɛrɛ Zɔ

1. Si ee lo VIDIO, ale o buū Maak 10:17-22. Lɛɛ o agara pya ebip a nyɔɔnɛ ama:

1. Pya amunu le elap dogo na Jizɔs bee dap muɛ bu lo mɛnɛ a le zege a?

2. Ena anua a bee lu ebɛɛ̄ kɔ Jizɔs a ɛrɛ wereloo le e’agaloo lokwa a dap zuurabahtɔ̄ lo gbara a?

Ena I Nɔ Aāloo Jizɔs A?

2. Lu ebɛɛ̄ kɔ i wereloo pya i gaa nɔɛ̄ Baibol, mɛ alunage ebɛɛ̄ kɔ i baatɛ̄ leere wa nɛ nu ba edoo lokwa ba dap kiisī leere bu edɔɔ̄.

Nɔ Jizɔs

3. Yerebah nɛ nɛɛ o gaa nɔɛ̄ Baibol kɔ a seea nu sī sa doo nu a seeasī.

1. Su kɛ̄ a kura “Nu Edoo” a le bu ziī ziī nuenɔ bu Ɛrɛ Ekpeloo Dum Mmɛ Deedee! ye yeābah nɛ.

2. Yerebah nɛ nɛɛ o gaa nɔɛ̄ Baibol kɔ a suā ziī ziī nu edoo lo edoo kɔ a dap doo pya nu a bee seeasī bu nwīkere sɔ̄ ale bu nyɔɔnyɔɔ sɔ̄.

3. Wee kaɛgɛ nɛɛ o gaa nɔɛ̄ Baibol loo kɛ̄ a gaa kiisī leere doo.

4. Suā pya nu a dap doo kɔ nɛɛ o gaa nɔɛ̄ Baibol aa kiisī leere, sa o yerebah ye nɛ kɔ a be eebah pya lo nu finiabah.

1. Bip aba ɔɔ kɔ:

   • ‘Lo nɛɛ m gaa nyɔɔnɛ nɔ Baibol sii nyim tura lo eliamaā, ena a gaa ye zui kuma dumɛ a?’

   • ‘Ena m dap doo lo eyerebah ye nɛ a?’

2. Yere kara bara e’agaloo aābah Jɛhova lokwa bu wereloo le bu kuūnadɛɛ̄ o dap ye kɔ nu edoo nɛ lokwa a kiisī leere.

5. Ɔbɛ enɔānu a naa gaa kiisī leere.

1. Bip pya ebip ama aba ɔɔ lo esuā sɛh lo enɔānu Baibol gaa kiigesī leere:

   • ‘Ekɔ nɛɛ m gaa nyɔɔnɛ nɔ Baibol gaa suge nu a nɔ yere bu dogo ni?’

   • ‘Aa sige enɔānu sa zue ue nɛ pya dɔɔ̄na ni?’

   • ‘Lo bui enɔānu bu pio sɔ̄ lo, a taɛge ye elu ziī yɛɛ Pya Ekeebee Jɛhova ni?’

2. Lo nɛɛ o gaa nɔɛ̄ Baibol naa kpɛ̄naloo enyim kiisī:

   • Kɔ ye nɛ kɔ a naa sikɛ̄ kɛɛrɛ nu anua a naa gaa nyim kiisī.

   • Bu fɛgɛ, doo kɔ a suā nu anua oo le enyɔɔnɛ na ye nɔ Baibol.

   • Doo kɔ a suā nu a bɔloo kɔ a doo lɛɛ o gae sikɛ̄ ye nyɔɔnɛ nɔ nu.