SU OLOO NƐ TAM ZUE UE | NYIMƐ O ƐƐBU BU TAM ZUE UE
Su Kpog-bee Nu Nɛa Edoba
Sɔ̄ i obia si loo pya nɛɛ ale sɔ̄ i gaa sere enɔānu Baibol, lu ebɛɛ̄ kɔ i yerebah nɛ nɛɛ i gaa nɔɛ̄nu kɔ a dābeeloo kpog-bee nu. Tɛ̄maloo esu kpog-bee nu nɛa edoba edana wa taɛ sa doo kɔ lo enɔānu a waɛ wa bah edābeeloo sa ba nyɛŋiabu nu ba nɔ.
Sɔ̄ o waa kpɛ̄naloo obia si ale sere enɔānu Baibol, yere nukuādɛɛ̄ loo kpog-bee nu, naale ewɛpbah nu o gbī ebaatɛ̄. Lɛɛ o kɛɛrɛbu loo edobah alu nu aa sira a waɛ edābeeloo. (Mat 5:14-16; Maak 2:21; Luk 14:7-11) Muɛ kɔ o kɛɛrɛ nu akiiloo kɛ̄tɔɔ̄ lo nɛɛ le nu aa doo. (Luk 5:2-11; Jɔn 4:7-15) Sɔ̄ o muɛ kɔ bu ye ɛɛ nyɔɔbee a dābeeloo ziī kpog-bee nu, bu a e’ɛɛ nage.
SI EE VIDIO A KURA ƐRƐ ƐƐBU LOO DOO KƆ PYA NƐƐ A NYƆƆNƐ DUMƐ JIZƆS—NYIMƐ O KARI—SU KPOG-BEE NU NƐA EDOBA, LƐƐ BUI AGARA PYA EBIP A NYƆƆNƐ AMA:
E na anua pya i gaa nɔɛ̄nu gbī yerebah lo edābeeloo dɔ Kpa Kaɛ a?
Bu mɛ sīdee na Neeta baatɛ̄ kaka ue a le bu Pya Rom 5:12 a?
Edoba a bɔloo ina bu beenyiɛ nɛɛ
Amunu pah na edoba a bɔloo dap ɛrɛ nyɔɔ nɛɛ i gaa kɔ ue nɛ a?
E na anua i su vidio le pya dɔɔ̄na nutam bɔŋanaloo Jɛhova enɛa i siātam zue ue a?