Su Yerebah Jɛhova A Nɛ Tɛ̄maloo Eyere Kara

Ɛɛ Jɛhova na a doo kɔ kaka ue a sā li sa nyim bu beenyiɛ pya a dā a. (1 Kɔr 3:​6-9) Nyɔɔwo, i ɛrɛ edɛɛa nyɔɔ Jɛhova kɔ a yerebah i nɛ le pya i gaa nɔɛ̄ Baibol.

Bara Jɛhova kɔ a yerebah nɛ nɛɛ o gaa nɔɛ̄nu lo ebe eebah pɔrɔ ezū le lo e’egerebu kɛ̄ bah gbānasī. (Fil 1:​9, 10) Kɔ taɛ nu o gbī. Yere kara bara kaɛ edɔɔ̄ lo ebaɛloo o ekɛɛrɛ le dogo. (Luk 11:13) Tɔgɛ pya o gaa nɔɛ̄ Baibol kɛ̄ eyere kara doo, sa wa yere mɛm loo kɔ ba a doo wo. Nyɔɔnɛ pya o gaa nɔɛ̄ Baibol yere kara sa wa yere kara bee, sa kue wa bee bu kara.

SI EE VIDIO A KURA ƐRƐ ƐƐBU A LE BU DODOO KƆ PYA NƐƐ A NYƆƆNƐ DUMƐ JIZƆS—SU YEREBAH JƐHOVA A NƐ—KARA, LƐƐ BUI AGARA PYA EBIP A NYƆƆNƐ AMA:

• Amunu nu finiabah na Neeta bee kpesī sɔ̄ a gaa bee nɔɛ̄nu Jade a?

• Bu mɛ sīdee na 1 Pya Kɔrint 3:6 bee yerebah nɛ Neeta a?

• Bu mɛ sīdee na a bee lu e’agara kara Neeta a?