Yerebah Nɛ Pya O Gaa Nyɔɔnɛ Nɔ Baibol Kɔ Ba A Yii Gbo Jɛhova

Jɛhova gbī kɔ i taāŋae ye bah nyɔɔbee wereloo i ye ɛrɛ kumaloo. (Mat 22:​37, 38) Nu a dap nɛ ekpo pya i gaa nɔɛ̄ Baibol lo enyaana bahloo wa sīdee tɔɔ̄dum sa egerebu kɛ̄bah doā-ɛp na wereloo ba ɛrɛ kumaloo Jɛhova. (1 Jɔn 5:⁠3) Ɛɛ wereloo ba ɛrɛ kumaloo Bari na ezū wa kɔ ba a liamaa a.

Yerebah nɛ pya o gaa nɔɛ̄ Baibol lo emuɛ kɛ̄ Jɛhova wa wereloo doo. Bip wa pya ebip a le doodoo: “Ena lo ama a tɔgɛ akiiloo Jɛhova a?” ale “Mɛ sīdee na lo ama a tɔgɛ kɛ̄ Bari a wereloo doo a?” Yerebah wa nɛ kɔ ba a muɛ kɛ̄ Jɛhova aa wa yerebah nɛ doo. (2 Edoo 16:⁠9) Kɔ pya sīdee Jɛhova e’agara pya o kara wa nɛ, sa wa yere mɛmloo kɔ ba a yere nukuādɛɛ̄loo kɛ̄ Jɛhova agara pya wa kara doo. Bu i wee ɛɛ kaāna sɔ̄ pya i gaa nɔɛ̄ Baibol muɛ kɔ Jɛhova weree wa loo sa ba piiga lo ewere ye loo sa lu ye gbo.

SI EE VIDIO A KURA YEREBAH NƐ PYA O GAA NYƆƆNƐ NƆ BAIBOL KƆ BA A YII GBO JƐHOVA, LƐƐ BUI AGARA PYA EBIP A NYƆƆNƐ AMA:

• 

  Amunu gbanasī na Jade bee kpesī a?

• 

  Neeta bee yerebah nɛ Jade doodoo wa?

• 

  Bu mɛ sīdee na Jade bee dap be eebah lo gbanasī a?