O Ekpɛ̄nage Loo Baɛ Sɔ̄ Pya Nɛɛ Etɛrɛ Taāŋa Ni?

Sɔ̄ kuma lo nyɔuwe ama aa tɔɔ̄ waɛloo kɛ̄ a, i ɛmadɛɛ̄ kɔ pya nɛɛ etɛrɛ taāŋa, gbeesī nu, le kɔ be nɔ̄ enyim yiiloo. (Mum 6:4) Bu mɛ sīdee na i kpɛ̄naloo baɛ pya taāŋa a gaa lu sī ama a?

• Kpɛ̄naloo bu edɔɔ̄: Yere nukuādɛɛ̄ loo pya daakuu le pya e’ɛma a le bu Baibol a yere mɛm loo o dɛrɛ nyiɛ nyɔɔ Jɛhova le ye bɔŋanaloo, le lo eyerebah a nɛ kɔ o kiisī lo etɔɔ̄ kee aaloo nyɔuwe. (Kam 12:5; jr 125-126 ¶23-24) Nyaawo na alu ebɛɛ̄ kɔ i ɛrɛ pya le gbo bu bɔŋanaloo a.—1 Pita 4:7, 8

• Kpɛ̄naloo bu namloo: Nɔɔ kɛ̄ o doo ɛrɛ kpoogaloo lo nu esira edoo kɔ o aa dapna aa tɔ lo, sa sere pya nu ebɛɛ̄ a bu namloo. Gbaāloo wo, nɔɔ nu o doo lo a kura kɔ o teera aa tɔ. Wee sikɛ̄ ɛp pya nu a le bu o bɛrɛ teā tee, sa su kpugi le pya nu o dap yaa kpeŋa aba ɔɔ doodoo face mask, le hand glove yerebu. Ɛrɛ fon nɔmba pya kanɛɛ, sa wa nɛnage oloo fon nɔmba lokwa ba dap a kue lo esuā kɛ̄ o le.—Ais 32:2; g17.5 3-7

Sɔ̄ taāŋa aa kiisī, kiisī lo esu dɔ bu taāŋabah Jɛhova. (Fil 1:10) O aa kiāŋa aa ziī kɛ̄ yii ziī taage bee alu ebɛɛ̄ kɔ o teera. (Mat 10:16) Nyɔɔnɛ pya dɔɔ̄na ponia nuede o ɛrɛ le pya dɔɔ̄na nu.—Rom 12:13.

SI EE VIDIO A KURA O EKPƐ̄NAGE LOO BAƐ PƆRƆ SIRANU NI? LƐƐ BUI AGARA PYA EBIP A NYƆƆNƐ AMA:

• Bu mɛ sīdee na Jɛhova dap i yerebah nɛ sɔ̄ taāŋa le a?

• Pya amunu nu a kuī na i doo lo ekpɛ̄naloo a?

• Bu mɛ sīdee na i dap yerebah nɛ pya dɔɔ̄na bugia siranu siraloo a?