TƆƆ̄DUM DOODOO PYA NƐƐ KRAIST

Jɛhova lu “Tɛ Loo Dɛ̄dɛɛ̄ Pya A Naa Ɛrɛ Tɛ”

Bu ziī ziī zua, gbɛnɛ-edo pya zege sagɛ lo elu gbo Jɛhova. (Yɔɔ 110:3) Jɛhova kuūdɛɛ̄loo ziī ziī bui kaāna. A dābeeloo pya e’aga kɛ̄tɔɔ̄ o waa tɛɛ̄ bu, e a yira yii lo eyerebah a nɛ. Lo alu kɔ aba o ka ale tɛ na a gaa a kpɔā a, nyɛŋiabu kɔ Jɛhova lu “tɛ loo dɛ̄dɛɛ̄ pya a naa ɛrɛ tɛ.” (Yɔɔ 68:5) Kpɔā o gaa ɛrɛ aābah Jɛhova dap doo kɔ o kiisī leere, kaɛlɛɛ ɛrɛgeba kɛ̄tɔɔ̄ o gaa tɛɛ̄ bu bie tɔ.—1 Pit 5:10.

Nu alu etɔgɛ bu vidio a kura “Pya A Gaa Be Kaāna Be Nyɔɔ Yira—Pya Aba Tɛ Ale Ka Wa Kpɔā.” Tammy Ludlow.

SI EE VIDIO A KURA PYA A GAA BE KAĀNA BE NYƆƆ YIRA—PYA ABA TƐ ALE KA WA KPƆĀ, LƐƐ BUI AGARA PYA EBIP A NYƆƆNƐ AMA:

Ena o nɔ aāloo edoba Tammy, Charles, le Jimmy a?

Your answer
Amunu yii na pya alu ekpɔā tɛ̄mabah aba ka ale tɛ dap gbī muɛ bu kpa Le-yɔɔ 27:10 a?

Your answer