Pya Dɔɔ̄na Ekobee Ue A Le bu Tɔ Baɛloo Enɔ

Gbɛnɛ-edo pya zue ue wee su JW Library^® kpɛ̄naloo enɔānu, sa ba tɔgɛ nialoo kɛ̄ a doo kɔ a waɛ wa bah emuɛ keekee ekobee ue a le bu pya lo Tɔ Baɛloo enɔ doo. Mɛ Tɔ Baɛloo enɔ wee aaranage pya dɔɔ̄na ekobee ue a ɛrɛ pya ue lo e’agɛrɛtɛ̄ i gbanialoo kumaloo Jɛhova. Mɛ kɛ̄ na o dap gbī pya ekobee ue ama aā bu JW Library lokwa o dap ɛrɛ biī aāloo a?

• Gbagbara ekobee ue a kura “Dɔɔ̄na Nu Ebuū” le kɛ̄ kuma ziī ziī ekobee ue bu Tɔ Baɛloo enɔ. Biibah nyɔɔ kɛ̄ a kura “Pya dɔɔ̄na ekobee ue a le bu lo ekpo ama” a le kɛɛ̄ lo gbagbara ekobee ue. Tɛɛ̄nyɔɔ kɛ̄ a tɔgɛ pya ekobee ue a le bu lo Tɔ Baɛloo, sa o ɛp kɛ̄ alu enɔɔ ziī ziī ekobee ue doo le nɔmba lo ekobee ue. Biibah nyɔɔ lo ekobee ue o gbī ebuū a le yɛɛ pya dɔɔ̄na ekobee ue.

• Bie tua kɛ̄ o yii bu JW Library, kɛɛ̄ “What’s New,” kuɛ̄ aā ekpo Tɔ Baɛloo ɛrɛgebah sɔ̄ alu eyere. Kpaāna lo o ebee kuɛ̄ a sa ɛp pya ekobee ue a le bu lokwa o ɛrɛ biī aāloo.