Pya Nu O Dap Nɔ

Nɔ ‘Yɔɔ Buɛ̄-mɛnɛ’ Sa Aa Biea Bee

“Sɔ̄ a mɛ tɔɔ̄loo bee kɔ mm le dɛɛ̄ lɔgɔ nu, Jɛhova wee mɛ yere mɛm loo tɛ̄maloo pya yɔɔ a le nyɔɔ JW Broadcasting^®.”—Lorraine, U.S.A.

“Yɔɔ kaɛ” lu ziī gah loo taāŋabah Pya Nɛɛ Kraist aa kere. (Kɔl 3:16) Lo o aa pya yɔɔ ama biea bee a, ba eyerebah a nɛ kere oo ɛrɛ kpa yɔɔ ale fon. Piiga lo edoo pya nu alu ekɔ nyɔɔnɛ ama lo eyerebah a nɛ kɔ o aa pya lo yɔɔ biea bee.

• Kɛɛrɛloo buū pya beebee ue a le bu lokwa o dābeeloo leere. O dap nwaabah nyɛŋiabu loo pya nu o dā lo o dābeeloo leere. Pya beebee ue a le bu pya i yɔɔ, gbaāloo pya keebee yɔɔ le yɔɔ pya miɔŋɔ le nyɔɔ jw.org. Kɛɛ̄ Library, kii kɛ̄ a kura Music.

• Ɛm pya ye beebee ue. Dodoo wo edoo kɔ a bia a bee.—Deut 17:18.

• Uɛ nɛ nyɔɔ sɔ̄ o gaa nɔ. Buū ale o uɛ tɛɛ̄ nyɔɔ gbɛnɛ-edo sɔ̄.

• Do ɛp kɛ̄ o nyɛŋiabu doo. Piiga lo e’uɛ sa o aa ɛp bu kpa, lɛɛ o ɛp kɛ̄ o doo leere doo.