1 NUENƆ

Bɔātɛ̄ Leere

Doonu 17:22

TƐƐ̄NYƆƆ: Kɛ̄ o bɔātɛ̄ doo a dana taɛ lɛɛ kɛ̄, a tɔgɛ nu o gaa kɔ ue nyɔɔ, sa tɔgɛ nu anua lo ue lu ebɛɛ̄ loo pya a le kɛ̄.

Dana taɛ. Sagɛ ebip, ue o kɔ, nu a bee sira loo nɛɛ, ale nu a gaa sira bui barasī lo edana taɛ nɛɛ o gaa kɔ ue nɛ lɛɛ kɛ̄.

Sɔ̄ dee lege sī, kɛɛrɛbu loo kɛ̄tɔɔ̄ pya nɛɛ o gaa le kɔ ue nɛ gaa tɛɛ̄ bu sa o kwabaloo o ue doo kɔ a suaaloo wa kɛ̄tɔɔ̄.
Suā nu o gaa kɔ ue nyɔɔ. Muɛ̄ kɔ kɛ̄ o bɔātɛ̄ doo siā ekobee ue o gaa kɔ ue nyɔɔ le nu a nua o gaa kɔ lo ue.
Tɔgɛ nu a nua lo ekobee ue lu ebɛɛ̄. Kwabaloo o ue doo kɔ a soadɛɛ̄ ebɛɛ̄ pya o gaa kɔ ue nɛ. Ba a muɛ̄ kɛ̄ o ue edɔbiī nɛ taɛ alaba doo.

Sɔ̄ o gaa kpɛ̄naloo o ekɔaue, bip aba ɔɔ kɔ, ‘E na pya wuga bu bɔŋanaloo ama gaa tɛɛ̄ bu ani?’ Lɛɛ o kwabaloo o ekɔaue doo kɔ a soadɛɛ̄ wa ebɛɛ̄.