13 NUENƆ

Doo Kɔ Biī A Le Bu A Sira

Kam 3:21

TƐƐ̄NYƆƆ: Yerebah nɛ pya a gaa a gbaɛ̄tɔ̄ kɔ ba a dābeeloo ue o gaa kɔ, sa wa tɔgɛ kɛ̄ ba esu nu ba enɔa yere bu dogo doo.

Kɛɛrɛ pya o gaa kɔ ue nɛ. Ɛrɛ ekɛɛrɛ nyɔɔ nu anua ue o gaa kɔ bɛɛ̄ pya o gaa kɔ nɛ, sa suā taɛ lo gah lo ue edɔbiī wa nɛ.
Bu o ekɔaue, tɔgɛ pya a gaa a gbaɛ̄tɔ̄ nu ba edoo. Aā bɔātɛ̄, doo kɔ ziī ziī nɛɛ a le kɛ̄ a suā kɔ, ‘Ue ama kuu mɛ.’ Sɔ̄ o gaa kpɛ̄naloo, tɔgɛ kɛ̄ esu ziī ziī kpog-bee ue a le bu yere bu dogo doo. Doo kɔ o ue a seea bee loo.

Baatɛ̄ kɛ̄ esu pya zuurabahtɔ̄ Baibol yere bu dogo doo bu sīdee a tɔgɛ kɔ o dābeeloo kɛ̄ nu wa tɔɔ̄loo doo. Taā o kɔ ue edoo kɔ wa ekɛɛrɛ beenyiɛ a bialoo wee wa bege ue nyɔɔ nu ba bee doo sɔ̄ akii adumɛ, kɔ ue enyimɛ wa wereloo sa agɛrɛtɛ̄ wa yira, sa dɛrɛ nyiɛ nyɔɔ kɔ ba edoo nu a lee.