Ɛrɛ Taɛ Bu Pya Dɔɔ̄na

Nu Jizɔs Bee Doo

VIDIO: Jizɔs Le Wa A Bee Le Nu Bana Maā

1. Si ee lo VIDIO, ale o buū Jɔn 4:6-9. Lɛɛ o agara pya ebip a nyɔɔnɛ ama:

1. Ena Jizɔs bee yere nukuādɛɛ̄ loo akiiloo lo wa lɛɛ a gae bɔātɛ̄ ekɔ ue ye nɛ a?

2. Jizɔs bee kɔ: “Nɛ mɛ maā m ɔ̄.” Ena anua lo ama bee lu le sīdee ebɔātɛ̄ kɔnia ue a?

Ena I Nɔ Aāloo Jizɔs A?

2. I kɔnia ue ekiisī leere lo i bɔātɛ̄ tɛ̄maloo ekɔ ue kumaloo nu nɛɛ i gaa kɔ ue nɛ ɛrɛ taɛ bu.

Nɔ Jizɔs

3. Lu nɛɛ a waɛbah. Naale aba ekobee ue o bee kpɛ̄naloo aā be na o su zuema ue a. Bɔātɛ̄ tɛ̄maloo ekɔ nu akiiloo nu pya dɔɔ̄na aa kɛɛrɛ. Bip aba ɔɔ kɔ:

1. ‘Ena alu ekɔ bu niuz anii’ee a?’

2. ‘Ena pya na kɛ̄ zɔŋɔ, pya na koo kɛ̄tam, ale pya na koo tɔkpa aa kɔ ue kumaloo a?’

4. Lu nɛɛ a para ɛp nu. Bip aba ɔɔ kɔ:

1. ‘Ena lo nɛɛ aa doo taɛ lo sɔ̄ a? Ena a dap le aa kɛɛrɛ a?’

2. ‘Ena bɛloo lo nɛɛ yaa, ye mɛā, ale ye be i tɔgɛ akiiloo nu a yira ale barasī a aa a?’

3. ‘Lege sɔ̄ a bɔloo enyɔɔnɛ lo nɛɛ kɔnia ue na ama ni?’

5. Gbaɛ̄tɔ̄.

1. O aa kɔ gbɛnɛ-edo ue.

2. Yere mɛm loo lo nɛɛ kɔ a kɔ nu a kɛɛrɛ. Bip ebip sɔ̄ a bɔloo.