Tɔgɛnu Bu Sīdee A Dāna Taɛ

Tɔgɛ nu bu sīdee a dāna taɛ lee. A dap doo kɔ nɛɛ o waa kɔ ue nɛ a gbaɛ̄ a tɔ̄loo. A tɔgɛ nage kɔ yereue i gaa zue kuī i loo. Kaɛlɛɛ kɛ̄ i aa ale dua nɛɛ i lu i dap tɔgɛnu bu sīdee a dāna taɛ. (Rom 12:11) Bu mɛ sīdee?

Tuatua, kɛɛrɛ kɛ̄ yereue o aara kuī doo. O ɛrɛ dee a a kpaā nɛ lo ezue “le yere ue” akiiloo nu a lee! (Rom 10:15) Eree baɛ, ɛrɛ ekɛɛrɛ nyɔɔ kɛ̄ le yereue dap ɛrɛ le pah nyɔɔ pya nɛɛ a a gbaɛ̄tɔ̄ doo. Nu o aa gbī ekɔ lu gbɛnɛ kɔ ba a dā. (Rom 10:13, 14) Lo kpɛdumɛ, su mɛm kɔā ue, tɛ̄maloo e’ɛp sī nɛɛ o gaa kɔ ue nɛ sa su bah a daānu leere.

SI EE VIDIO A KURA ƐRƐ ƐƐBU LOO DOO KƆ PYA NƐƐ A NYƆƆNƐ DUMƐ JIZƆS​—NYIMƐ O KARI—TƆGƐNU BU SĪDEE A DĀNA TAƐ, LƐƐ BUI AGARA PYA EBIP A NYƆƆNƐ AMA:

• 

  E na a bee ɔɛloo mɛm Neeta bee ɛrɛ sɔ̄ aa bee nyɔɔnɛ Jade nɔ nu a?

• 

  E na a bee yerebah nɛ Neeta kɔ a sikɛ̄ ɛrɛ mɛm a?

• 

  E na anua i sere ekɛɛrɛ nyɔɔ pya le elap a le bu pya i gaa kɔ ue nɛ a?

• Amunu pah na ue i kɔ dap ɛrɛ nyɔɔ pya i aa nɔɛ̄nu le pya dɔɔ̄na a?