Su Oloo Sere Ye Kɛ̄tɔɔ̄

Su loo sere kɛ̄tɔɔ̄ nɛɛ na sɔ̄ o dābeeloo nu a kɛɛrɛ, kɛ̄ nu ye tɔɔ̄loo doo, nu a ye nia, le nu alu ye ebɛɛ̄. Pya nɛɛ wee nwaaba yere nukuādɛɛ̄loo sɔ̄ i su i loo sere wa kɛ̄tɔɔ̄ sa ba suā sɔ̄ i ɛrɛ taɛ lo eyerebah wa nɛ. Sɔ̄ i su i loo sere kɛ̄tɔɔ̄ pya dɔɔ̄na bie uwe zue ue, i tɔgɛ kɛ̄ Jɛhova ɛrɛ wereloo sa kuūdɛɛ̄loo nɛɛ doo, e lo ama zuura pya nɛɛ ye nua loo.—Fil 2:4.

Su loo sere kɛ̄tɔɔ̄ pya dɔɔ̄na naale kunɛ sīdee i su tɔŋɛnu; a sira bu kɛ̄ i gbaɛ̄tɔ̄ sa kɔ ue doo, gbaānage loo kɛ̄ i doo dogo doo, su bah kɔā ue, sa sere sī i doo. I su loo sere kɛ̄tɔɔ̄ ziī nɛɛ tɛ̄maloo e’ɛrɛ ye kaāna taɛ bu. I muɛ taɛ a ɛrɛ, nu a yiga, le ye kɛ̄tɔɔ̄. I kɔ pya ue a bɔloo sa ye yerebah nɛ, mɛ ii ye su bah ekpo aā kɔ a nyaa. Sɔ̄ pya i zue ue nɛ su yerebah i wa nɛ, a nyimɛ i ɛɛbu bu tam zue ue.

SI EE VIDIO A KURA ƐRƐ ƐƐBU LOO DOO KƆ PYA NƐƐ A NYƆƆNƐ DUMƐ JIZƆS—NYIMƐ O KARI—SU OLOO SERE YE KƐ̄TƆƆ̄, LƐƐ BUI AGARA PYA EBIP A NYƆƆNƐ AMA:

• 

  Bu mɛ sīdee na Neeta bee su loo sere kɛ̄tɔɔ̄ Jade sɔ̄ a biɛ̄ dumɛ a?

• 

  Bu mɛ sīdee na Neeta su loo sere kɛ̄tɔɔ̄ Jade sɔ̄ a kɔ loo ye ɔe mɛ a naale edabe nɔnu a?

• 

  Bu mɛ sīdee na Neeta su loo sere kɛ̄tɔɔ̄ Jade sɔ̄ a kɔ a naa parae nɔɔ̄ nu a?