Kumalookɛ̄

Nu Pɔɔl Bee Doo

VIDIO: Pɔɔl Zue Ue Nɛ Mɛnɛ Agripa

1. Si ee lo VIDIO, ale o buū Doonu pya Nɛɛ lɛɛratam 26:2, 3. Lɛɛ o agara pya ebip a nyɔɔnɛ ama:

1. Bu mɛ sīdee na Pɔɔl bee tɔgɛ kumalookɛ̄ sɔ̄ aa kɔ ue nɛ Mɛnɛ Agripa a?

2. Bu mɛ sīdee na Pɔɔl bee kue ekɛɛrɛ kumaloo Jɛhova le nu a le bu Kpa Kaɛ taā a kue ekɛɛrɛ kumaloo aba ɛɛ a?—Buū Doonu 26:22.

Ena I Nɔ Aāloo Pɔɔl A?

2. I yereue etɔaloo pya nɛɛ kaāna lo i kɔ bu kumalookɛ̄ le enwadɛɛ̄.

Nɔ Pɔɔl

3. O aa kɔ ue doodoo bee o suāe dɛ̄dɛɛ̄ nu. O aa kɔ ue bu sīdee etɔɔ̄ loo lo nɛɛ doodoo bee o suā dɛ̄dɛɛ̄ nu le kɔ elua nɛɛ a naa suā lɔgɔ nu. Kɔ ue ye nɛ bu sīdee a tɔgɛ enwadɛɛ̄.

4. Doo kɔ a suā leere kɔ pya kaka ue o gaa ye nyɔɔnɛ kɔnia aabu Baibol. Muɛ̄ Ue Bari aara pya ue a dap tɔaloo nɛɛ. Sɔ̄ i su daānu, i gaa doo kɔ wa yira a agatɛ̄.

5. Wee kuma nyiɛ kɛ̄. O aa su ekɛɛrɛ bie nyɔɔ doo kɔ lo nɛɛ a suā kɔ nu o gaa kɔ na a lera a. Ii gbī enyɔɔnɛ pya nɛɛ amkɛ̄. Tɔgɛ kumalookɛ̄ tɛ̄maloo efɛɛrɛloo sa suā sɔ̄ a bɔloo e’aa lo kɛ̄. (Kam 17:14; Taitɔs 3:2) Kɔ ue bu fɛgɛ edoo kɔ lo nɛɛ a gbaɛ̄ i tɔ̄ loo dɔɔ̄na sɔ̄.