UYONO 18

Yono otu na Ekwakwa Ekpokpọ

1 Corinthians 9:19-23

OBORẸ ENE RUO: Ha userhumu rẹn otu na roro kpahen urhomu-ẹmro na neneyo aye i sabu rhe taghene aye i yono emru ọghoghanren ne.

Roro kpahen oborẹ otu na i rhe ne. Ukperẹ wu na kanrunumwu oborẹ otu na i rhe ne, tẹmro na izede rẹ aye ina sabu yono emru ọkpokpọ.

Ta ihwẹnmro rẹ otu na i rheri phẹphẹrẹ, ọrẹn wu vwe brokpakpa ta oborẹ aye i vwe rhe-e.
Guọlọ ekwakwa kodo jeghwai roro kodo. Orho serhọ, wu na sabu ha iyẹnrẹn ri ghwai se rhe yanghene iyẹnrẹn rẹ otu na i vwe rhe kpahen dje ihwẹnmro eghoghanren fiotọre. Roro kpahen oborẹ ọ ha uvuẹn ọbe ẹmro na ọrhẹ oborẹ ẹmro na o ru surhobọmwu iyẹnrẹn wa guọlọ haphia na.

We rhe mwuegbe ẹmro na, roro kpahen aruẹ enọ jerẹ ‘me, mesoriẹ, ọkiọgo, bọgo, ọrọmo, ọrhẹ, marhẹ.’ Ruẹ uyono na merhomarhọ nyoma wu na nọ jeghwai kpahenrhọ aruẹ enọ enana uvuẹn ẹmro na.
Dje oborẹ urhomu wa ta kpahan na ọ ghanren te. Dje fiotọre oborẹ ihwẹnmro i Baibol wa ta kpahan na ine ru sabu ha userhumu rẹn otu na kẹdẹkẹdẹ. Tẹmro kpahen erhirhiẹ, uruemru, ọrhẹ idjaghwẹ kirighwo ri sekpahen ihworho ra kerhọ na.