Ọbe-owian Uyono Ọwan Ọrhẹ Iruo Uvie na—2025 | July

JULY 28–AUGUST 3

PROVERBS 24

Ijoro 38 Ọrhẹ Ẹrhomo | Ẹmro Ọtonrhọ (Iminiti 1)

EFE RI NẸ ẸMRO OSOLOBRUGWẸ RHE

1. Mwuegbe Oma Hẹrhẹ Ọke Ebẹnbẹn

(Iminiti 10)

Yono i Baibol na ne wu sabu vwo irherhe, rọ nọ lẹrhuọ vwo ẹghwanren rhọ (Pr 24:5; it-2-E 610 ¶8)

Ẹhọn orho seriotọre dede, damoma rha nẹrhomo ji se i Baibol na kẹdẹkẹdẹ ne wu ji rhe riẹ uyono ukoko (Pr 24:10; w09-E 12/15 18 ¶12-13)

Esegburhomẹmro ọgbogbanhon ọrhẹ ẹgwọlọ re vwo kpahen i Jehova ọnọ ha userhumu rẹn ọwan uvwrọke ebẹnbẹn (Pr 24:16; w20.12 15)

Omizu ọmase ro kpomu emiamo ọgbogbanhon ro lele ugbehian yen wian owian aghwoghwo i nẹ oghwa riẹ oghwa rhẹ aghọghọ. O dje emru nẹ ifonuie ọduado rẹn ọmase owu uvuẹn anurẹsẹ ye.

2. Efe Erẹ Ẹhẹn

(Iminiti 10)

Pr 24:27—Me yẹ isẹ ọnana o yono ọwan? (lvs 137 ¶13-15)

Ẹkpahenrhọ ọnọ
Me wu yono nẹ isese i Baibol ọkprughwre ọnana re wu gwọlọ ta kpahen?

Ẹkpahenrhọ ọnọ

3. Isese i Baibol

(Iminiti 4) Pr 24:1-20 (th uyono 11)

FIOMARHỌ IRUO AGHWOGHWO UVIE NA

4. Ra Tuẹn Ikuegbe Rhọ

(Iminiti 2) AGHWOGHWO KPREGEDE. We vwo uphẹn ghwoghwo rẹn ohworho na bọmọke ẹmro ẹta na ọ ki dobọji-i. (lmd uyono 2 udjoghwẹ 4)

5. Ra Tuẹn Ikuegbe Rhọ

(Iminiti 3) NẸ OGHWA RIẸ OGHWA. (lmd uyono 3 udjoghwẹ 4)

6. Ra Tuẹn Ikuegbe Rhọ

(Iminiti 3) AGHWOGHWO AFIEDE. Ta rẹn ohworho na kpahen ẹkwaphiẹrhotọre uyono i Baibol ọwan, ji yẹ ye ikadi ro dje kpahen uyono i Baibol ọwan. (lmd uyono 4 udjoghwẹ 3)

7. Ẹmro

(Iminiti 3) lmd iyẹnrẹn ra habaye A udjoghwẹ 11—Urhomu-ẹmro: Osolobrugwẹ o Lele Ọwan Tẹmro. (th uyono 6)

ENYERẸN ILELE KRISTI

Ijoro 99

8. Ha Userhumu Rẹn Owuowọnwan Uvwrọke Ebẹnbẹn

(Iminiti 15) Ẹmro otu ine vwobọrhọ.

Emiamo, oghwọghọ kpregede, re ludje, uvweri, yanghene ẹkparehaso ọnọ sabu phia kpregede. Uvwrọke ọrana, imizu ọwan na ha userhumu phia ji ha urhebro rẹn owuowọnwan. Ọrẹn ọrhọ tobọ rhianẹ ekwakwa enana a hobọte ọwa-an, e ji roro kpahen oborẹ imizu ọwan e rhiẹromẹrẹn, na ji damoma ha userhumu rẹn aye.—1Co 12:25, 26.

Ifoto sansan: Imizu ehworhare ọrhẹ emẹse ra ha userhumu rẹn imizu aye uvuẹn izede sansan. 1. Imizu ehworhare ọrhẹ emẹse ra rharhumu bọn Aghwẹlẹ Uvie rẹ oghwọghọ kpregede ọ ghwọghọre. 2. Imizu ehworhare ọrhẹ emẹse re dede izu ọrhẹ ọmọyen ọgbọtọ ri zẹ nẹ oghwa aye. 3. Omizu ọmase ro fiẹ igho rhẹ ekpeti itetoro uvuẹn Aghwẹlẹ Uvie. 4. Imizu ehworhare ọrhẹ emẹse ri kpare ekwakwa vwe imizu ri zẹ nẹ oghwa aye uvuẹn Aghwẹlẹ Uvie. 5. Imizu ra kpare ame rẹn imizu ri zẹ nẹ oghwa aye. 6. Omizu ọhworhare rọ nẹrhomo.

Se 1 Kings 13:6 ọrhẹ James 5:16b. Orho ru gba nọ otu na:

Mesoriẹ ẹrhomo rẹ idibo Osolobrugwẹ a nẹ fọkiẹ awọrọ o vwo omẹgbanhon omamọ?

Ẹkpahenrhọ ọnọ

Se Mark 12:42-44 ọrhẹ 2 Corinthians 8:1-4. Orho ru gba nọ otu na:

Orhianẹ e vwo igho bu-un, mesoriẹ o vwo fo ne ru sikẹnsikẹn re ne toro ibiẹ igho re vwori rhẹ owian akpọ ephian na haye ha userhumu rẹn imizu ọwan ri ha erhirhiẹ egbogbanhon?

Ẹkpahenrhọ ọnọ

Kporo IVIDIO na Re Ruẹ Imizu Ọwan Gbanhan Arha Dobọ Owian Ọwan ji. Orho ru gba nọ otu na:

Me yẹ ekwakwa ezẹko imizu ọwan i ruru, nẹ aye i sabu ha userhumu rẹn Ilele Kristi re rhirhiẹ ekete ra dobọ owian ọwan ji obẹ obọrẹ ọren ọ va nẹ sa ọrẹ Europe?

Ẹkpahenrhọ ọnọ
Marhẹ imizu na i ru huvwele akama ra na vwoma kugbe ji ha urhebro rẹn owuowọnwan, uvwrọke a dobọ owian na ji?—Heb 10:24, 25

Ẹkpahenrhọ ọnọ