MAY 19-25
PROVERBS 14
Ijoro 89 Ọrhẹ Ẹrhomo | Ẹmro Ọtonrhọ (Iminiti 1)
1. Dabu Roro Kpahen Oborẹ wu ne Ruo Oghwọghọ Kpregede Ọrhọ Homaphia
(Iminiti 10)
Wu vwe kwerhọ i “kẹmro kẹmro” wu rhonri-in (Pr 14:15; w23.02 23 ¶10-12)
Wu vwa hẹroso oborẹ ẹhọn ọ ta wẹn yanghene oborẹ wu rhiẹromẹrẹn vrẹn ne-e (Pr 14:12)
Wu vwa kerhọ era tiẹn ọkpọvi rẹ ukoko i Jehova o tiobọnẹ-ẹ (Pr 14:7)
OBORẸ ENE RORO KODO KPAHEN: Ekpako, are i mwuegbe are ina nyalele ọkpọvi ji hẹroso i Jehova oghwọghọ kpregede ọrhọ homaphia?—w24.07 5 ¶11.
2. Efe Erẹ Ẹhẹn
(Iminiti 10)
Pr 14:15—Marhẹ uruemru-urhi rọ ha Proverbs 14:15 ono ru ha userhumu rẹn ọwan djẹ aruẹ iyẹnrẹn re ne kwerhọ ọke ukpokpogho ọrhọ homaphia? (w23.02 23 ¶12)
Me wu yono nẹ isese i Baibol ọkprughwre ọnana re wu gwọlọ ta kpahen?
3. Isese i Baibol
(Iminiti 4) Pr 14:1-21 (th uyono 11)
4. Ra Tuẹn Ikuegbe Rhọ
(Iminiti 3) AGHWOGHWO AFIEDE. Dje ekete i Baibol owu rẹn ohworho rọ ta wẹn taghene udu o bruie kpahen erhirhiẹ ebẹnbẹn igho rọ homaphia. (lmd uyono 3 udjoghwẹ 3)
5. Ẹrharhumu Bru
(Iminiti 4) RHARHUMU BRU ỌRẸ WU VWARE UVUẸN AGHWOGHWO I NẸ OGHWA RIẸ OGHWA. Tiobọnu imagazini ro vwo urhomu-ẹmro rẹ ọrovwoghwa na o vwo omamerhomẹ kpahen ọke we lelie tẹmro kperhumu. (lmd uyono 9 udjoghwẹ 4)
6. Re Ruẹ Idibo
(Iminiti 5) Ha urhebro rẹn ọmọ uyono i Baibol ọnọ no rho se i Baibol na kẹdẹkẹdẹ, ji dje oborẹ ono ru sabu rhe ruie riẹn. (th uyono 19)
Ijoro 126
7. Mwuegbe Hẹrhẹ Oghwọghọ Kpregede
(Iminiti 15) Ẹmro otu ine vwobọrhọ.
Ẹmro ọkpako ukoko ọnọ haphia. Ta kpahen okarorhọ rẹ oghọn ukoko ọrhẹ ekpako ukoko i haphia, orhianẹ ọ havwiẹ.
Rẹ ọwan e nyerẹn uvuẹn “ẹdẹ ri koba na,” ọwan i rheri taghene ana dẹrughwaroghwẹ ebẹnbẹn buebun. (2Ti 3:1) Bọmọke oghwọghọ kpregede ọ ki homaphia yanghene ọrhọ phia ne, ihworho i Jehova a mẹrẹn ọkpọvi rọ nọ sabu ha userhumu rẹn aye simi arhọ aye. Ọrẹn na sabu vwo usimirhọ, ọwan ina vi huvwele nyoma re ne mwuegbe vwana izede ọrẹ ẹhẹn ọrhẹ ọrẹ ugboma.—Pr 14:6, 8.
Ruẹ onyerẹnkugbe ọnọ rhẹ i Jehova gbanhonrhọ: Vwo ẹkwaphiẹrhotọre isese i Baibol ọrhẹ uyono omobọ. Rhe vwobọrhọ ona owian aghwoghwo na sansan ji tona yen. Wu vwe brudu orhianẹ fokiẹ oghwọghọ kpregede wẹwẹ rhẹ imizu ukoko na a ha ekete owu-u. (Pr 14:30) Jehova ọrhẹ i Jesu Kristi i sẹrerhumujuo-o.—od-E 176 ¶15-17
Mwuegbe izede ọrẹ ugboma: Haba ẹkpa wu mwuegbe rhotọre wu na sabu kpare ogege orhianẹ oborẹ e vwe fiẹrorhọ ọ phiare, o ji fo ne wu koko emaren, ame, imwu ọrhẹ ekwakwa erọrọ wu gwọlọre orhianẹ wu na daji oghwa uvwrọke jijiri.—Pr 22:3; g17.5-E 4
Kporo IVIDIO na Wu Mwuegbe Hẹrhẹ Oghwọghọ Kpregede ne? Orho ru gba nọ otu na:
Marhẹ i Jehova ono ru ha userhumu rẹn ọwan uvwrọke oghwọghọ kpregede?
Marhẹ ene ru mwuegbe?
Marhẹ ene ru ha userhumu rẹn awọrọ rẹ oghwọghọ kpregede ọ hobọte?
8. Uyono i Baibol Ọrẹ Ukoko
(Iminiti 30) lfb uyono 95