Dje Uduefigbere Phia wu Rha Dẹrughwaroghwu Ọhiẹn

Se Jeremiah 38:​1-13 ne wu sabu yono kpahen uduefigbere ọmẹraro Jeremiah ọrhẹ Ebed-melech rọ wian uvuẹn oghwa orodje na.

Dabu ni ekete i Baibol na so. Marhẹ i Jeremiah o ru fiudugbere ghwoghwo urhomedje i Jehova? (Jer. 27:​12-14; 28:​15-17; 37:​6-10) Marhẹ ihworho i kpahenrhọ ye lele ọke aye e rhon urhomedje na?—Jer. 37:​15, 16.

Guọlọ iyẹnrẹn erọrọ kpahen oghwẹmro na. Ọhiẹn ọgo yi Jeremiah ọ dẹrughwaroghwu? (jr 26-27 ¶20-22) Aruẹ edje ọgo yẹ ihworho ọke i Baibol a tọn, me yẹ aye a haye ruẹ? (it-1 471) Marhẹ oma o ruẹ i Jeremiah ọke re donrien rhẹ edje ro vwo epẹtẹ? Ofẹn ọgo yẹ Ebed-melech ọnọ sabu vwo?—w12 5/1 31 ¶2-3.

Djokarhọ iyono na. Nọ oma:

• ‘Me yẹ iyẹnrẹn ọnana o yonirin mẹ kpahen oborẹ i Jehova o ru sẹrorẹ idibo yi ri fuevwan kpahiẹn?’ (Ps. 97:10; Jer. 39:​15-18)

• ‘Uvuẹn aruẹ erhirhiẹ ego yo fo ne mi dje uduefigbere phia?’

• ‘Marhẹ mi ne ru vwo uduefigbere ruẹ oborẹ ọgbare mi rha dẹrughwaroghwu ọhiẹn?’ (w11 3/1 30)a