OBỌRẸ 4

Aye Hẹ Ẹmro Echu—Me Ọyẹ Onẹ Erhumuie Rhe?

Adam rhẹ Iv a hẹ ẹmro Osolobrugwẹ-ẹ, fọkiẹ ọrana, nẹ aye ihwuru. Jẹnẹsis 3:6, 23

Iv rọ riẹ omamọ ra ta rẹn aye taghene aye i vwa re na-a, nọ jeghwai ha ezẹko rẹn Adam

Iv nọ hẹ ẹmro obodinrin na, nọ riẹ omamọ na. Ro ru, nọ yẹ Adam, ọye nọ je riẹ.

Adam ọrhẹ Iv re nẹ uvuẹn Paradais ro rhiẹ oghwa aye

Oborẹ aye iruru na ọsọre. Ọrana ọdandan. Osolobrugwẹ no le raye nẹ ogba i Paradaisi na.

Aye rhẹ emọ aye ni nyerẹn akpọ ọgbogbanhon. Aye ni nyerẹn ho, nẹ aye ihwuru. Aye eriẹ ekete rẹ avwa mẹrẹ-ẹn. Aye ivwe rhe nyerẹn ghwomara-an.

Erẹ ihwu ne erhe vwẹ arhọ-ọ, jerẹn eyẹn. Jẹnẹsis 3:19

Aruo ihworho sansan ri nyerẹnren uvwre ọke sansan

Ọwan ehwuẹ ni me ọwan emọ Adam rhẹ Iv. Erẹ ihwuru evwa sabu mẹrẹn ude-e, i vwe rhẹn ẹmro-o, yanghinẹ ovwẹ emru owuorowu rẹ aye a sabu ruẹ-ẹ.—Ọgwuvwiẹ 9:5, 10.

Jehova ọguọlọ nẹ ihworho ihwu-u. Phẹrẹkpẹ vwaran, ọ sa mọ rhọmẹ ihworho ri hwuru rhiẹ akpọ. Aye erha hẹ ẹmro enẹye, aye ni ne nyerẹn bẹmẹdẹ.