Ẹzẹkoko ọrẹ Oghọn 8

Jehova ọ yẹ Solomon ẹghwanren, nọ jeghwai yẹ ye uphẹn rọ nọ bọn oghwa ẹga na, ọrẹn bibiesuon, Solomon nọ sẹrerhumuji Jehova. Wu rhe rhiẹ ọmiọmọ, dabu dje yi fiotọre rẹn ọmọ ọnọ oborẹ ihworho ri vwa ga i Jehova i ru riẹriẹ i Solomon nẹ ogame i Jehova. Na ghalẹ uvie i Solomon, irodje ibiobiomu ni lẹrhẹ agbamwa na sẹrerhumuji Jehova jeghwai ha ẹga rẹn ema. Uvwre ọke ọnana, na kparehaso emẹraro ri vwo atamwu kpahen i Jehova jeghwai kpe aye. Orodje ọmase re se Jezebel, nọ lẹrhẹ emọ Israel buebun ga isolobrugwẹ efian. Ọnana ọke ọgbogbanhon rẹn emọ Israel. Ọrẹn, ihworho buebun ri fuevwan, ra ga i Jehova i ji ha uvwre emọ Israel na, ezẹko usuẹn aye yẹ Orodje Jehoshaphat ọrhẹ ọmẹraro Elijah.