Ẹzẹkoko ọrẹ Oghọn 11

Oghọn ọnana ọ ta kpahen obọrẹ a ha i Greek ya uvuẹn i Baibol na. Ekrun ri vwe vwo igho bun, ye vwiẹ i Jesu rhọ uvuẹn amwa ọkokamu owu. Jesu o lele ọsẹ ye ro rhiẹ ikapita wian. Jesu yẹ ohworho rọ nọ sabu simi ituakpọ. Jehova ọ djẹ riẹ no rhiẹ Orodje Uvie idjuwu na. Orhianẹ wẹwẹ ọmiọmọ, ha userhumu rẹn ọmọ ọnọ no vwo ọdaremẹro kpahen oborẹ i Jehova o ru dabu sanọ ekrun re ne vwiẹ i Jesu rhọ ọrhẹ ekete rọ nọ ghwanren. Roro kpahen oborẹ i Jehova o ru sẹrorẹ i Jesu nẹ abọ i Herod, no jo rho kpe yi ọrhẹ oborẹ emru owuorowu ọnọ jọ sabu dobọ ọhọre i Jehova ji. Yono kpahen oborẹ i Jehova o ru yẹ i John owian ro no mwuegbe izede hẹrhẹ i Jesu. Karunumwu oborẹ i Jesu o ru djephia taghene dedevwo ọye ọmọvwerhe, o vwo ẹguọlọ kpahen ẹghwanren i Jehova.