Ruẹ Uyono Ọnọ Lọhọ

Oborẹ i Jesu o Ruru

IVIDIO: Jesu o Dje Udje Oborẹ i Jehova o Vwo Ọdamẹ Kpahen Ọwan te

1. Ni IVIDIO na, yanghene Se Matthew 6:​25-27. Orho ru, gbe roro kpahen enọ enana:

1. Udje ọgo yi Jesu o djeri, ro djephia taghene Jehova o vwo ọdamẹ kpahen ọwan?

2. Dedevwo Jesu o rhe ekwakwa buebun kpahen efen, emru ọlolọhọ ọgo yọ tẹnrovi? Mesoriẹ ọrana o rhiẹ ona ro mwidjẹn?

Me ya na Sabu Yono Mie i Jesu?

2. Uyono ọwan ọrhọ lọhọ, ihworho ina karorhọ oborẹ e yonirin aye, nọ nọ ji hobọte ọmudu aye.

Hẹrokele i Jesu

3. Wu vwa tẹmro bun pha-an. Ukperẹ wu na hunute kemru kemru wu rhe kpahen urhomu-ẹmro na, tẹnrovi oborẹ ọ ha uvuẹn ọbe wa ha yono na. Wu rha nọ onọ hin, vwo erhionrin hẹrhẹ ẹkpahenrhọ ohworho we yono na. Ọrhọ kpahenrhọ onọ na sọ yanghene ta oborẹ o vwo serhọ rhẹ uyono i Baibol, gba ha enọ erọrọ sa ye erhumu rhe ẹkpahenrhọ na. Orho vwẹruọ ye ne, gba nya riaro.

4. Ha userhumu rẹn ohworho we yono nọ sabu surhẹ iyono ekpokpọ mwu oborẹ o rheri bi ne. Jerẹ udje, bọmọke wu na ki tuẹn uyono rọ ta kpahen ẹrhọmọnuhwu rhọ, wu na sabu nọ ohworho we yono na oborẹ o rhe kpahen ẹrhọmọnuhwu ne.

5. Ha idje ri serhọ ruiruo. Bọmọke wu na ki ha udje ruiruo, nọ oma:

1. ‘Udje na ọ lọhọre?’

2. ‘Ohworho mie yono na ono kiki vwẹruọ ye?’

3. ‘Ọnọ ha userhumu rẹn ohworho mie yono na karorhọ ihwẹnmro kirighwo—gbinẹ udje na ọvo yọ nọ karorhọ?’